Ieremia 12:9 - Te B'aib'ara

⁹ Ti te bo au aomata ma kaanga te aoki ae e otab'aniniaki ma ni buakanaki irouia taian aoki ake tekorakina. Tuangiia maan aika a aki manana b'a a na roko ni katoka nanoia n am'arake.

Ieremia 12:9 Iomraidhean Croise

2.Uea 24:2

N te tai anne, ao E a kanakoia tautia te UEA b'a a na iraea ma ni kamaunaa kaawan nako Iuta. Tabeman mai buakon te taanga ni buaka aei bon mai B'aburon, ao tabeman mai Turia, ma Moaaba, ao Ammon. E a tia te UEA ni kanakoa ana toro are te burabeti ni kauringa Iuta i bukin aei,

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 56:9

Kam roko man te buakonikai, ngkami maan aika kam aki manana! Buakaniia ao kana konam nako.

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 34:20

A na tiringkami kairiribai aikai ma ni katikui rab'atami n aki akaaka i aon te tano b'a kanaia mannikiba ao maan aika a aki manana.

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

B'aeb'aeti 1:17

I anganako baiu, ma bon akea ae kani buokai. E a tia ni karokoia au kairiribai te UEA man taabo nako. A karaoai b'a kaanga te b'ai ae kam'araa.

Etekiera 34:5

Ai ngaia are, a maaenako nakon taabo nako, ao a buakanaki mani kanaki irouia maan aika a aki manana.

Te Kaotioti 17:16

Ao kooro ake tengaun, ake ko noori, ma te man arei, a na ribaa te kabekaau, ao a na kurib'aia n anai ana b'ai ni kababanei, ma ni katikua n akea karabaana; ao a na kana irikona, ao a na kabuokia n te ai.