Ieremia 12:4 - Te B'aib'ara

⁴ A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 12:4 Iomraidhean Croise

Taian Areru 107:34

Ao te aba ae uaa b'a te raereke ae tarika, i bukin aia bure akana maeka iai.

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Itaia 24:4

E a bane tain te aonnaba; a na mauna nako ana taani kairiiri n riki n akea manenaia.

Itaia 24:6

E a b'akaraki te aonnaba n te maraia; a mate aomatana i bukin aia bure.

Ieremia 12:11

A bane n akea kain taian tawaana aika I noori ao akea temanna ae e tabe iai.

Ieremia 14:2

A tang Iuta ma Ierutarem ngke e a m'autakataka te aba.

Ieremia 23:10

A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 4:25

akea te aomata ae e konaa n nooraki, ao a tia ni kiba nako taiani mannikiba ni kabane.

Ieremia 5:13

A taekin taiani kewe aikai n arau, ma ngaia ae ngkai a na mate n te buaka ke n te mate ni baki.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:9

Ko na anganai bukina teuana, b'a e aera ngkai a na aki katuaaeaki. Bon aei au taeka Ngai ae te UEA ae Moan te M'aaka.

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Ioera 1:18

A tiotio nako ara nanai ni kao n aki akaaka, ma n tangitang b'a akea te uteute, ao a kainano naba taian tiibu.

Amota 1:2

E taku Amota, “E bekorara te UEA man te maunga are Tion; E rurunga b'anaana mai Ierutarem. A rai tawaana nako, ao a b'ata uteuten te maunga are Karemera.”

Ab'akuka 3:17

E ngae ngke akea uaan te biku ao akea uaan te kureebe e ngae ngke akea uaan te Oriwa, ao akea naba uitan te tawaana e ngae ngke a bane ni mate tiibu ao akea naba kaao i nanon nneia.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

I-Rom 8:22

B'a ti atai baika karikaki b'a a bane n teimatoa ni karokoa ngkai ni ngirangira ma n ariri ni maraki, kaanga ai aron te aine are nangi bung.