Ieremia 12:2 - Te B'aib'ara

² Ko unikia kaanga aroka; ao Ko kariaia b'a a na maiu raoi ma ni kariki uaa. Ao ngkana a neboiko ao bon akea nanoia iai.

Ieremia 12:2 Iomraidhean Croise

Iobi 24:12

A tang aomata aika ikoaki ma aika kani mate i nanon taiani kaawa, ma E aki kaekai aia tataro te Atua.

Iobi 5:3

I a tia n nooria aomata aika nanobaba b'a a buuti wakaaia ma te Atua e karokoa te maraia, ao e rina koutiarake

Taian Areru 37:35

I a tia n nora te aomata ae kakaiowawaea nakoia tem'angina ao n rikirake ni korakora,; kanga ai aroni kain Reb'anon ae te tiira.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 3:10

Ao te b'ai riki ae moan te buakaka, te botannaomata ae Iuta ngke e bakaaea te okirai.

Ieremia 45:4

Ma I urui ni kab'akai b'aai nako aika I katei ma n taeki aika I uniki ni kabutaa te aonnaba.

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

Mataio 15:8

“A karineai aomata aikai n aia taeka, ma a raroa nako nanoia mai Rou;

Mareko 7:6

E kaekaia Iesu ao E taku, “E eti ana taeka Itaia ngke e taetae ni burabeti i bukimi ngkami aika taani m'am'ana-te-aba, ngke e kangai, ‘E taku te Atua, A karineai aomata aikai n aia taeka, ma a raroa nako nanoia mai Rou;

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.