Ieremia 12:14 - Te B'aib'ara

¹⁴ E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 12:14 Iomraidhean Croise

Taian Areru 105:15

Ao E kaangai, Tai riingia au aomata aika rineaki, aika au burabeti, ao tai tabareia.

Taian Areru 106:47

Te UEA ae Atuara, kamaiura, ao kaokira mai buakoia botannaomata, B'a ti aonga n anga ara katituaraoi ma ara nebonebo nakon aram ae tabu.

Ieremia 2:3

Bon ti ngkami au b'ai, kaanga moan m'akoron te tai, ao I rangi ni katuaaia koraki aika a karaoa ae e aki raoiroi nako imi.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Ieremia 48:1

E tuangai te UEA ae Moan te M'aaka ae Atuaia Iteraera, b'a N na kaangai nako ia kaain Moaba: Ko a reke n te kangaanga te kaawa ae Nebo; E na tauaki Kiriataim ao e na kab'ainrangaki, ao a na bon uruakaki nonona ao e na tiku n uruaki.

Ieremia 48:47

Ma n te bong teuana, N na kairiia ami aomata n okirii mwengaia. Bon aei Au taeka Ngai ae te UEA.

Ieremia 49:1

E taekina te b'ai aei te UEA i bukiia botannaomatan Ammon: A rangi ni m'aiti natiia Iteraera aika a b'aib'ai n te aba. Ma ngaia are, e aera ngkami aika taan taromauria te anti are Mirekom ngkai kam a anai taiani kaawa ao aaba ake aia b'ai kaain te baronga are Kata?

Ieremia 49:7

Aio te b'ai ae taekinna te UEA ae Moan te M'aaka i bukin Etom: E a tia ni mauna nako te wanawana ma te iango raoi mai Teman. N nang karokoa te kabuanib'ai ni katuaaingkami ngkami aika ana kariki Etau,

Etekiera 28:25

E taku te UEA ae te Atua: N te bong teuana N na ikotiia Iteraera mani botannaomata nako ake e uamaae nako i buakoia, ao a na bane n nooria botannaomata b'a I tabu. A na manga maeka riki Iteraera n te aba are I angan Au toro ngkoa are Iakob'a.

Etekiera 28:26

A na mano ao a na katei taian auti ma aia nne n aroka ni kureebe. A na aki manga reke n te kangaanga, b'a N na katuuaia aia kairiribai aika rangi n riiribaia. A na ataia Iteraera b'a bon aia UEA Ngai ao Atuaia.

Etekiera 36:24

N anaingkami man aia botannaomata nako ianena ma ni bootingkami ma ni kaokingkami nakon mwengami.

Etekiera 36:5

Ma N na rairaki nakoia botannaomata aikai ma uniu ae e korakora, ai moara ra riki ake a oom'aaka ngareia ni ngareakiniko ma n taui ami tabo n uteute nako.

Etekiera 37:21

ao i mwiina, ko na kaangai: N na manga ikotiia Iteraera ma ni kaokiia nakon mwengaia mairouia botannaomata ianena ake a maeka iai ngkai.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Tekaria 1:15

N taai aika a nako I un ma botannaomata, ma ngkai E a rangi ni maraki nanou b'a a tia ni karaoi riki b'aai aika a buakaka nakon are mai m'aaina i bukin Ierutarem ao bon akea teuana tabetaben nanoia iai.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Te Tua-Kaua 28:63

E rangi ni kukurei te UEA ni katetekeraoingkami ma ni buoka ami botannaomata ni karikirakea ngke kam buakana te aba n taua. Ma ngkana kam aki ongotaeka nakoina ao E na manga bon rangi ni kukurei naba ni koutingkami mani wakaami.

Te Tua-Kaua 30:3

Ao i mwiina, E na katoka katuaaeakimi ao E na manga akoingkami. Ngkana tao E a tia ni kamaenakoingkami nakon aaba ake i tabon aonnaba, ao E na manga kaokingkami