Ieremia 12:12 - Te B'aib'ara

¹² A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 12:12 Iomraidhean Croise

Itaia 34:6

E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

Itaia 57:21

Ma I a tia ni berita Ngai ae te UEA b'a bon akea temanna ae e buakaka ae na maiu n te rau.

Ieremia 15:2

Ao i mwiina, a na titiraki b'a a na kanakoaki nakea, ao tuangiia Au taeka Ngai ae te UEA ae e kaangai: Tabeman maibuakomi a na mate n te aoraki ae e kamaamate. Ao tabeman, a na mate n te buaka ke n te baki. Ao nikiraia ana uotaki nako abaia ianena.

Ieremia 16:5

Ko na aki kawariia aomata akana a mate aia koraki ke ni kaota nanokaawakim iai. N na aki manga tangiriia ke ni kakab'aiaia ke n nanoangaia kaain Iuta.

Ieremia 25:11

E na akea kaain te aba aei kaanga te rereua ae akea kaaina, i bukina b'a N na karaoingkami b'a toro i roun uean B'aburon i nanon 70 te ririki.

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Ieremia 30:5

“I ongo te tangi ni maaku, tangin te maroaa b'a akea te rau.

Ieremia 34:17

Kam a tia n aki ongotaeka i Rou ngkai kam a manga aki anga te inaomata nako ia ami toro. Ma ngaia are, N na anganingkami te inaomata-te inaomata ni mate n te buaka ke te mate n te baki. N na karikingkami b'a kam na rangi n ribaaki irouia botannaomata nako n te aonnaba.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 46:10

Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Ieremia 47:6

Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

Ieremia 48:2

Akea ae e na karineko, Moaba. Ana iangoa aron tiringakim kairiribai i Etibon. E na ti katuka te aki kakarongoa Au kabaang n oin ami kaawa are e aranaki b'a “Aki Karongoaa.”

Ieremia 8:15

Ti a tia ni kantaninga te rau ma te tai ni kamaiu, ma bon akea te b'ai ae ti karekea b'a ti b'aai aika a kakamaaku.

B'aeb'aeti 3:17

I tuai man namakina te marurung, te rau, ao te kukurei.

Etekiera 14:17

Ke ngkana I kanakoa te kairiribai b'a e na buakana te botannaomata ae e buubure aei man tiringiia aomata ma aia man.

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Etekiera 21:4

A na mate aomata mai maiaki ni karokoa meaang,

Etekiera 21:8

E taku te UEA:

Etekiera 21:9

Etekiera ae natin te aomata, ko na tuangiia kaain Ierutarem: Iai Au kabaang ae e kakang ae raneanea.

Etekiera 5:2

Ngkana ko tia ni buakana te buriki are e tei i bukin Ierutarem, ko na kauraa te b'ariko teuana are iram i aon te buriki. Ko na korokorea te kauoua ni b'ariko ao kab'akab'aka m'akorokoron nako iram ni katobibia te buriki. Ko na karenakoa te katenua ni b'ariko i nanon te ang, ao N na oroia n oin Au kabaang.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Amota 9:4

Ngkana a kairaki nako b'a taenikai irouia aia kairiribai, ao N na tua b'a a na bane n tiringaki. I a tia ni motika nanou b'a N na tiringiia, ao N na bon aki manga buokiia.”

Teb'ania 2:12

Ao te Atua E na tiringiia naba aomatan Itiobia.

Te Tua-Kaua 32:42

A roko nanoia au kanoanikatebe n nimakin raraaia kairiribai; ao au kabaang e na katoong irikoia ma raraaia kairiribai. E na tiringiia buure, ma ni korei ni kanakoi atuuia aia taani kairiiri.

Te Kaotioti 6:4

Ao e oti nako te aoti temanna, ae uraura; ao e anganaki teuare toka i aona te kona ni karokoa te buaka i aon te aba, b'a a na i kamamate aomata; ao e anganaki te kabaang ae ab'ab'aki.