Ieremia 12:10 - Te B'aib'ara

¹⁰ E a urubekebeke abau ae moan te tamaroa kaanga te tawaana ke te nne n aroka ni kureebe ae e kamanatuaaki irouia te nanai n tiibu ma ni kaboraaki aona irouia te nanai ni kao.

Ieremia 12:10 Iomraidhean Croise

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Ieremia 23:1

Ngkami aika taan kairiia Au aomata, ti te bo ngkami ma taan kaawakintiibu aika kam tiringiia tiibu ma ni kamaaenako ia.

Ieremia 25:37

n unna ao ni katuka abami are e rau ma te urubekebeke.

Ieremia 25:38

E a tia te UEA ni kiitaniia ana aomata kaanga te raian ae e kiitana b'angana. E a tia n onika te aba kakamaakun taiani buaka ma korakoran unin te UEA nakon te rereua.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 3:19

I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Ieremia 39:3

Ngke e tauaki Ierutarem, a bane n roko ana mataniwi aika a rietaata uean B'aburon n taui aia tabo i nuukan te Mataroa are Nuuka, n reitaki ma Nerekara Tiaretera, Tamkara Nebo, Taretekim, Raba Tarita, ao Nerekara Tiaretera are teuana.

Ieremia 6:3

ao i mwiina, kam na kang taian uteute ni kabane.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Etekiera 34:2

Etekiera ae natin te aomata, ti te bo taan kairiiri i Iteraera ma taan kaawakin tiibu aika a kaawakiniia au tiibu, aika Iteraera. Ma I tangiriko b'a ko na kabuaakakaia taani kairiiri aikai ma ni kaangai nakoia: Boni Ngai ae te UEA ae I kaangai, E a roko te kaangaanga i aomi taan kairiiri i Iteraera! Kam bon iangoi aromi i bon iroumi ao kam kaaki taekaia Au tiibu.

Etekiera 34:5

Ai ngaia are, a maaenako nakon taabo nako, ao a buakanaki mani kanaki irouia maan aika a aki manana.

Taniera 8:13

Ao I ongo ana taeka te anera temanna ngke e titirakina raona are temanna, “A na maanra waakin b'aai aika a oti n te kaotioti aei? E na maanra ana tai te bure are e kakamaaku n onea mwiin te angakarea are e katoabong? A na maanra aia tai te taanga ni buaka mai karawa, ao te Tembora n toutouaki?”

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Ruka 21:14

Ma ngaia ae kam na kaaki aei i nanomi: kam na aki iangoi moa ami taeka b'a kam na kanga ni kaeka.

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.