Ieremia 12:1 - Te B'aib'ara

¹ Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 12:1 Iomraidhean Croise

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Etira 9:15

Te UEA ae Atuan Iteraera, ko bon moan raoiroi ngkai ko karaoia tabeman mai buakora b'a a na konaa n tiku ni maiu. Ma I kan taekinna riki b'a ara bure a rangi ni kamamaaira ni kawariko.

Neemia 9:33

Ko a tia ni kaakaraoa ae e eti ngkana ko katuaaira i bukin ara bure.

Iobi 12:6

A maiu ma te rau taani kimoa, ma aomata naba aika akea te b'ai ae a onimakinna, e ngae ngke a tia n atuani korakoraia.

Iobi 13:3

Bon ti te b'ai i marenau ma te Atua, ao tiaki i marenau ma ngkami; I tangiria ni kauntaeka arou ma Ngaia.

Iobi 24:12

A tang aomata aika ikoaki ma aika kani mate i nanon taiani kaawa, ma E aki kaekai aia tataro te Atua.

Iobi 24:23

E bon anganna te maiu raoi ti i nanon tabeua te tai, ma E bon tarataraia n taai nako.

Iobi 8:17

A rab'ati taian atiibu wakaaia, ao a taui ni kamatoai taiani b'a ni kabane.

Taian Areru 116:5

E akoi te UEA, ao E raoiroi; E nanoanga Atuara.

Taian Areru 119:137

Te UEA, Ko raoiroi, ao a eti am Babaire.

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 37:1

Tai kabonoa nanom irouia taani bure; Tai bakantang irouia akana karaoa ae buakaka.

Taian Areru 37:35

I a tia n nora te aomata ae kakaiowawaea nakoia tem'angina ao n rikirake ni korakora,; kanga ai aroni kain Reb'anon ae te tiira.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taian Areru 51:6

Ko tangira te nano ae b'ab'aina te eti ma te koaua; Kaonai ni wanawanam.

Taian Areru 92:7

A kona n rikirake akana buakaka kanga ai aroia uteute, ao a maiu raoi; Ma ane a na kamaunaki n aki toki,

Taeka n Rabakau 1:32

E na karokoa te mate te bure ma te kamoamoa nakon te nanobaba n rangirang.

Te Minita 8:14

Bon iai te b'ai teuana ae akea nanona irou. Kaain te aba aika raraoi a karaoaki b'a kaanga buure ma buakaka, ao buure ma buakaka a karineaki b'a kaanga kaain te aba aika a raoiroi.

Itaia 41:21

Bon te UEA Ngai ae Atuaia Iteraera! Nakomai kaetieti ma Ngai. Kaoti am b'ai ni kakoaua.

Itaia 48:8

Kam tuai mani kan kakauongo nakon te b'ai ae I taekinna; man te tai are kam bungiaki iai, I ataia b'a kam na kaaitaraa.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 12:6

E ngae naba ngkana bon am koraki ane a na manga kaaitarako. A na taraa n ae bon taian rao ni koaua ma ko na aki onimakiniia. Bon bukin m'anangaia b'a a na kam'aneko, ao ai aroia aomata ni kabane.

Ieremia 3:20

Ma n onea mwiin anne, kam riki b'a kaanga te ainenum'a ae e urui taiani berita ni mare. Kam a tia n aki kakaonimaki nako iu. Bon aio au taeka Ngai ae te UEA.

Ieremia 3:7

I ataia b'a e a tia n aki kakaonimaki te abanuea meang ao e a tia ni karaoi buure aika a m'aiti,

Ieremia 32:16

Ao i mwiina, I tataro ni kaangai:

Ieremia 5:11

A a tia n aki kakaonimaki nako iu kaain Iuta ma Iteraera n aaro aika a bati,

Ieremia 9:2

Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

Etekiera 18:25

Ngkami aika Iteraera kam bukinai b'a e aki eti ae I karaoia! Ma kam ongora, tiaki ngai ae I karaoa ae aki eti ma boni ngkami!

Taniera 9:14

Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

Taniera 9:7

Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Ab'akuka 1:4

E a rangi ni mamara ao n akea bonganan te tua, ao e tuai man karaoaki te baire ae e riai. A toronib'ai riki aomata aika a buakaka, nakoia aika a raoiroi: Akea karaoan te riai.

Teb'ania 3:5

Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

Maraki 3:15

Bon noori kukureia aomata aika a buakaka aikai. A teetekeraoi aomata nako aika a karaoa ae e kaairua, ao bon akea naba te kangaanga ae e riki nakoia ngkana a kataa te Atua.”

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.