Ieremia 11:7 - Te B'aib'ara

⁷ I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 11:7 Iomraidhean Croise

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Rongorongo 36:15

Ma e nanoangaiia ana aomata te UEA ae te Atua, ao e aki uruaka te Tembora, ma e a kanakoia taiani burabeti are e aki toki ni kauringiia aomata i bukin aia bure.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 25:3

“Ai 23 te ririki ngkai man te moan tai are e uea iai Iotia, ao I a kaman tuangkami te b'ai are e tuangai te UEA. Ma kam tuai mani kan ongo.

Ieremia 25:4

E a tia ni kanako ia burabeti nako imi te UEA man te tai teuana nakon te tai teuana, ma kam rawa n ongo.

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 34:14

Ao e taekinaki ni m'akoron te boraraoi anne b'a kam na riai ni kainaomataia tooro aika kaain Ebera i mwiin onoua aia ririki ni m'akuri iroumi. Ma a aki kan kubarai ke n ongo n te b'ai are I taekinna ami bakatibu.

Ieremia 35:14

man ana kaainga kanoan Rekaba. E tuangiia ana kariki Ionataba b'a a na aki momooi n te wain, ao a ongotaeka iai ni karokoa te bong aei. Ma I aki toki n taetae nako imi, ao kam aki ongotaeka i Rou!

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Tekaria 1:4

Kam na aki taningabono n aroia ami bakatibu. A kauringaki irouia burabeti ake mai m'aaina b'a a na kaaki aia m'akuri aika a buakaka ma n okirai, ma a bon aki kan tabe.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.

Te Tua-Kaua 6:2

Ao ngkana kam tangiria ni kaananau maiumi ma kanoami, ao kam na taromauria te UEA ma n ongotaeka n ana Tua.

Te Tua-Kaua 8:6

Kam na ongotaeka nakon taian Tua ake E a tia n anganingkami te UEA ao taromauria ma te maaku ao te ruru.

2.I-Tetaronike 3:12

Ti tuangiia ma ni butiia aomata akana aroia aikai, n aran te Uea are Iesu Kristo, b'a a na karau aroia ao a na m'akuri b'a a aonga ni kang oini kanaia.

1.Tamuera 8:9

Karaoi b'aai ni kabane akana a bubuti, ma kauringiia ni kaota nakoia aron te uea ae na uea i aoia.