Ieremia 11:4 - Te B'aib'ara

⁴ E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 11:4 Iomraidhean Croise

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

1.Uea 8:51

Uringnga b'a bon aomata ngkoa ake Ko rineia ao Ko kamaiuia mai Aikubita are kaanga te ai ae e uram'aaka nakoia.

2.Uea 18:6

E rangi n ongotaeka iroun te UEA man irii nanon tua ake E anga ngkoa te UEA nakon Moote i bukiia aomata.

Te Otinako 20:6

Ma I kaota Au tangira nakon tengaa te roro aika a tangirai ma n ongotaeka nakon au tua.

Itaia 30:6

Aio rongorongoia manin te Rereua are maiaki: “Ngkami aomata aika kam uouoti kaub'aimi i aon taian aati ma kamero. Kam m'ananga nakon te botannaomata ae e mamaara ri nanon te rereua ae e kaangaanga ae e onrake n taian raian ao taian raakon aika a tiritiri aika a kiikiba.

Itaia 48:10

I katai ngkami n taai aika a matoatoa kaanga te tirewa ae e a manga karaoaki n te ai ae e uram'aaka.

Ieremia 11:7

I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 24:7

N na anganiia tangiran te kan ataai ao a na riki b'a Au aomata. Ane a na tangirai b'a N na riki b'a Atuaia, ao ane a na rairaki nako iu ma nanoia ni kabane.

Ieremia 26:13

Kam na riai ni bita aroni maiumi ma b'aai aika kam karaoi, ao kam riai n ongotaeka i roun te UEA ae Atuara. Ngkana kam karaoa aei, ao ane E na bita nanona i bukin karokoan te kangaanga are e taekinna b'a e na karokoa i aomi.

Ieremia 30:22

Kam na riki b'a Au aomata, ao Ngai N na riki b'a Atuami. Bon aei Au taeka Ngai ae te UEA.

Ieremia 32:28

E bon koaua b'a N nang bon kam'anangaa te Uea are Nebukaneta b'a e na taua Ierutarem.

Ieremia 38:20

Ao I taku, “Ti ngkana ko ongotaeka i roun te UEA, ao ane a anga ngkoe kaain B'aburon nako ia taian Iutaia. Ane ko na kamaiuaki, ao a na nako raoi b'aai ni kabane nakoim.

Etekiera 11:20

ma au tua nako ma au taeka n reirei nako. Kam na riki b'a au aomata, ao N na riki b'a Atuami.

Etekiera 14:11

N na karaoa te b'ai aei, b'a kam aonga n oki nako iu ma ni katoka kabuakakaan maiumi i bon iroumi n taiani bure aika a ribaaki. Ma ngaia ae kam na oki nako iu! Ao N na riki b'a Atuami, ao kam na riki b'a Au aomata. Boni Ngai ae te UEA ae te Atua ae I karaoa te berita aei.

Etekiera 36:28

Kam na manga maeka riki n te aba are I anganiia ami bakatibu; kam na riki b'a Au aomata, ao Ngai N na riki b'a Atuami.

Etekiera 37:23

A na aki manga taromaurii taian bouannanti ma ni karaoi m'akuri aika I aki kukurei iai. N na teboki aia bure ni kanakoi ma ni kaitiakiia, ao N na kaawakiniia man b'aai nako aika a na kam'araa iai. A na riki b'a Au aomata. ao N na riki b'a Atuaia.

Etekiera 37:27

ao N na maeka i buakoia Au aomata ao N na riki b'a Atuaia.

Taniera 3:26

Ao e m'ananga Nebukaneta nako rarikin te ai ao e takaarua ni kaangai, “Tiateraka, Metiaka ao Abeteneko aika Ana toro te Atua ae moan te m'aaka! Otinako.” Ao a otinako naba n te tai arei.

Nakoaia Ibonga 26:12

N na nakonako ma ngkami—N na riki b'a Atuami, ao kam na riki b'a au aomata.

Nakoaia Ibonga 26:3

Kakaonimaki ongotaeka nakon au tua nako,

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Tekaria 6:15

A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

Te Tua-Kaua 11:27

I anganingkami ana Tua n te bong aei, ao ngkana kam ongotaeka nakoina, ao E na kakab'aiaingkami.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Te Tua-Kaua 5:6

Bon te UEA Ngai ae Atuami, are E kaotinakoingkami mai Aikubita are kam toronaki iai ngkoa.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.