Ieremia 11:22 - Te B'aib'ara

²² Ma N na katuaaia. Ane a na mate aia rorobuaka n ataei n te buaka, ao ane a na mate ni baki natiia.

Ieremia 11:22 Iomraidhean Croise

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 21:14

ao N na katuaaeko n aron ae ko riai n anganaki. N na kauraa am bareti ao a na bane n urarake b'aai nako akana i rarikim.

Ieremia 44:13

I katuaaea Ierutarem n te buaka, te baki, ao te aoraki, ao anne naba aron ae N na katuaaingkami iai.

Ieremia 49:26

N te tai ae e aki maan, a na wene ni mate ami tautia i nanon kawain nako te kaawa. Bon aei au taeka Ngai ae te UEA ae Moan te M'aaka.

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

Amota 4:10

“I karokoa te kai i aomi n ai aron are I oroia naba ngkoa iai I-Aikubita. I tiring ami rorobuaka n te buaka ao I uoti nako ami aoti. Ao I kaboiraaea ami kaawa ni kabatia te aomata ae mate iai. Ma kam bon teimatoa naba n aki onimakinai.