Ieremia 11:14 - Te B'aib'ara

¹⁴ Ieremia, ko na aki tataro i bukiia aomata aikai ke ni buubutiai kamaiuia. Ngkana ko buubutiai i bukiia ao N na bon aki kan ongo, ao N na bon aki naba kan ongo ngkana a tataro!

Ieremia 11:14 Iomraidhean Croise

Taian Areru 66:18

Ngke arona b'a I a kamani katinanikui taekan au bure, Ao E na bon aki ongo irou te Uea.

Te Otinako 32:10

ao I a rangi ni un n te aro are N nang karaoi taekaia, ma ngaia are, ko na aki tautauai. Ma N na karaoia am kariki b'a te botannaomata ae e kakannato.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 14:11

E taku te UEA, “Ieremia, ko na aki buubutiai b'a N na buokiia aomata aikai.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 7:16

Ieremia, ko na aki tataro i bukiia aomata aikai! N na aki kan ongo Ngai ae te UEA.

Otea 5:6

Kam anga te tiibu ma te kao b'a taiani karea nako iu, ma I a tia n tannako ma N na rawa ni kaotai.

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

Maraki 2:13

Ao tera riki baika kam karaoi? Kam tang ni karongoa ao kam kaiekaa ana baonikarea te UEA n ranin matami, i bukina ngkai E aki kukurei iroumi n ami angab'ai ao e aki kan butim'aai.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.