Ieremia 11:13 - Te B'aib'ara

¹³ ao a m'aiti riki aia baonikarea i bukin B'aara nakon m'aitin kawain nanon te kaawa i Ierutarem. Ma a bon aki konaa ni kamaiuia kaain Iuta antiia aikai man te kabuanib'ai.

Ieremia 11:13 Iomraidhean Croise

2.Uea 23:13

I mwiin anne, e kaini taiani baangota ake e karaoia ngkoa Toromon i mainikun Ierutarem ao i meangin te Tabuki are Mate i bukin karinean Nei Atiterota are antiia kaain Titon ae e rangi n ribaaki, ao Kemoti are antiia kaain Moaaba ae e rangi n ribaaki, ao Mirekom are antiia kaain Ammon ae e rangi n ribaaki.

2.Rongorongo 28:25

E karaoi baangotan te aba i bukin taromaurian antiia ianena. E kauna te UEA ae Atuaia ana bakatibu b'aai aikai ni kabane.

Itaia 2:8

A taromaurii taiani bouannanti aika a tia ni karaoi n taabo nako i nanon te kaawa.

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 17:1

Kaain Iuta, a aki konaa ni kamaunaaki ami bure. A koreaki i nanomi kaanga taeka aika a koreaki n te unika i aon te atiibu ke nib'aaki i aon koonan taian baonikarea.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 19:4

A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 19:5

Ao a tia ni karaoa te tiriaomata ikai, ma ni kabuokiia natiia, ataei aika akea aia bure b'a aia karea nakon B'aara. I bon tuai n tuangkami b'a kam na karaoa te b'ai anne.

Ieremia 2:28

Naako taang nakon antimi ake kam karaoi! Tao a bon tau m'aitiia ni kamaiungkami, b'a are a rangi n rawa antin Iuta n ai aron m'aitin kaawana nako.

Ieremia 3:24

Ni moa man aia bong ara bakatibu ngke te botannaomata ngaira ae e uarereke, e a tia n anai ara uita ara nanai ni man ma natira mm'aane ao natira aine B'aara are te kananoanga.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Ieremia 44:21

Kam bon aki ataia b'a te UEA E ataa te b'ai are kam karaoia ma ami bakatibu, ma ami taani kairiiri ao ami uea, ao aomata ni kabane; are kam kabuoka te b'ai ni kaboiarara nako ia anti tabem'aang i Ierutarem ao n taabo nako i Iuta?

Ieremia 44:5

ma a rawa n ongo ao a aki kan toki n taromauriia anti tabem'aang.

Ieremia 48:35

N na karaoi taekaia aomata ni kabane ake a kaakabuoka te b'ai ni kaboiarara nakon antiia kaain Moaba ke n anga taiani karea i aon aia baangota nako. Bon aei Au taeka Ngai ae te UEA.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Etekiera 16:24

ma ko bon karaoi naba taabo i nanon kawain nako te kaawa

Otea 10:1

Bon te kai te kureebe ngkoe ae e onrake ni uaana. Ma m'aitin riki uaana bon m'aitin naba te baonikarea ae ko karaoia; raoiroin rokom bon raoiroin te oota are ko karikia i bukiia antiia beekan.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Otea 9:10

Iteraera, ngke I kuneko ngkoa Ngai ae te UEA, ti te bo ma kunean te kureebe i nanon te rereua ae akea kain aona ke uaan te biiku aika a uarereke aika a kangkang. Ao i mwiina, ko taromauriia B'aara-Beora, te bouannanti ae rangi n ribaaki, ao ko bon kamamaaeko kaanga te bouannanti are ko tangiria.