Ieremia 11:12 - Te B'aib'ara

¹² Ao i mwiina, a na anga taiani karea nako ia anti tabem'aang ma ni kakaaea buokaia mairouia. A rangi ni m'aiti riki antiia kaain Iuta nakon aia kaawa,

Ieremia 11:12 Iomraidhean Croise

2.Rongorongo 28:22

Bon i mwiin rikin kaangaanga aikai nakon Aati, ao e bon manga bure naba nakon te UEA n ae e a rangi ni korakora riki nakon are mai m'aaina.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 46:7

A uouota te bouannanti i aon angaia, ao i mwiina a katokaa i aon te kaintei, ma e aki konaa ni kakam'akuri. A weewete nakon te bouannanti ngkana a reke n te kaangaanga ma e bon aki kaekaia, ao e bon aki konaa n anga a na i buobuoki.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 2:28

Naako taang nakon antimi ake kam karaoi! Tao a bon tau m'aitiia ni kamaiungkami, b'a are a rangi n rawa antin Iuta n ai aron m'aitin kaawana nako.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Te Tua-Kaua 32:37

Ma E na kaangai moa te UEA, Kam birinakoia atua riki tabeman i bukin kamaiuami; a aki kona ni buokingkami?

Te Tua-Kaua 32:38

Kam kareana te wain nakoia ma ami karea ake kabanea n raoiroi. A aki kona ni buokingkami atua aikanne ke ni kamaiungkami?