Ieremia 10:9 - Te B'aib'ara

⁹ A karaoaki taian bouannanti irouia aomata. E korobanna te kai te tia korobanna. E amana kooran Ubati ke te tirewa mai Taretiti te tia m'akuri n te biti b'a rabunana. Ao i mwiina, e kunnikaiaki te bouannanti n te kunnikai ae e buru ma ni beebo.

Ieremia 10:9 Iomraidhean Croise

1.Uea 10:22

A m'aiti ana kaibuke ni borau Toromon aika a korakora. E kakam'anangaia ana kaibuke ma ana kaibuke Iram b'a a na uoti rikaaki taiani koora, tirewa ao koron ereb'anti, ao ai uana naba ma m'angkii, ao biikooki.

2.Rongorongo 9:21

A m'aiti ana kaibuke ni m'am'ananga Toromon i taari. E kaakanakoi ni katoa tenua te ririki ma ana kaibuke Iram ni uoti rikaaki taiani koora, tirewa, ao koron taian ereb'anti, ao ai uana naba ma taiani m'angkii ao biikooki.

Taian Areru 115:4

A karaoaki atuaia man tirewa ma koora irouia aomata.

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Itaia 23:6

Kam na bane n tang ngkami akana kam maeka i mataniwiin taari ao kam na ie nako ni kararoai ngkami i marawa.

Itaia 40:19

E boni bootau te bouannanti ma te Atua? E karaoaki man te buraonti ao ni kabiraki aona teutana n te koora, ao e katamaroaaki n te tirewa.

Etekiera 27:12

A iokinib'aia te tirewa, te biti, te tiin, ao te buange b'a am b'ai ni bob'ai nako ia taani bob'ai mai Taretiti maiaki.

Etekiera 27:7

A kamanenai taian rinen aika tamaroa taani kateitei mai Aikubita i bukin taian ie, b'a aonga ni konaa aomata nako n nooringkami. E kabonganaaki te kunnikai ae e buru ma ae e beebo i bukin kanuuan te teeke.

Taniera 10:5

Ao I tararake ao I noora te aomata ae e kunnikaia n te riinen, ao roona ae te koora ae e tamaroa.

Otea 8:6

Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

Iona 1:3

Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.