Ieremia 10:8 - Te B'aib'ara

⁸ Bon akea manenan taiani bouannanti, ao bon taian nanobaba aomata akana a taromauriia!

Ieremia 10:8 Iomraidhean Croise

Taian Areru 115:8

Ni kabane aomata ake a karaoi bouannanti ma n onimakin bon akea uaaia kanga ai aroia bouannanti ake akea uaaia.

Taian Areru 135:18

A bia riki n ai aroia bouananti aomata akana karaoi bouananti akanne ma n onimakin.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 44:18

A matakii ao a nanobaba koraki aika a taromauri taian bouannanti!

Itaia 44:19

Bon akea kanoan aia iango n ataa ae e kaangai, “I kauraa te ai ni iteran te kai ao I kuukana kanau te kariki ao te irikomaiu i aona. Ao I a manga karaoa te b'ai ae akea manenana ni m'akorona are teuana. Ao e aera ngkai I taromauria te m'akoro ni kai?”

Ieremia 10:14

A rangi n nanobaba aomata aika a karaoi taian bouananti! A na b'ara nanoia i bukina b'a a bon aki maiu antiia ni kewe.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 3:9

E bon aki raraoma te abanuea are Iuta ngkai e riki b'a ainen matawa, ao e aki tabe naba ngkai e kabuakaka rab'atana ao te aba n ana m'akuri n taromaurii taian bouananti aika a karaoaki n taian atiibu ao taian kai.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 5:4

Ao i mwiina, I taku i bon i nanou, “A karaoa te m'akuri ni baba aomata aikai, ao a aki konaa n ataa te b'ai ae E tangiria Atuaia b'a a na karaoia.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Iona 2:8

Akana a taromauri bouannanti aika akea maneia, a tia ni kitana karineam.

Ab'akuka 2:18

Tera manen te bouannanti? Ti te b'ai ae e bon karikia te aomata, ao e anga taeka aika akea nanoia, aika keewe. Bon tii ana karaob'ai te aomata, e bon aki kona n taetae.

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.