Ieremia 10:25 - Te B'aib'ara

²⁵ A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Ieremia 10:25 Iomraidhean Croise

Iobi 18:21

Bon anne tokiia aomata aika buakaka, tokiia aomata aika aki tabe ma te Atua.

Taian Areru 14:4

Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

Taian Areru 147:20

Akea riki te botannaomata teuana ae E a tia ni karaoa aio nakoina; A aki atai ana tua. Kam na kamoamoa te UEA!

Taian Areru 27:2

Ngke a eekainako aiau ma ni kataia ni kani kamateai, Ao a na bon tae aia kai mani b'aka.

Taian Areru 69:24

Kaota unim nakoia; Kakioia ngkana e korakora unim ao a na reke iroum.

Itaia 43:22

I taku Ngai ae te UEA nakon Iteraera: Ko a rangi ni kua, ma ko aki kua i bukin taromauriau.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Ieremia 11:1

E tuangai te UEA ae te Atua b'a n na kaangai nako ia kaain Iuta ao Ierutarem: I kauringngkami Ngai ae te UEA b'a N na kamaraiaa ane e aki kaawakina te boraraoi are I karaoia ngkoa ma Iteraera. Ma ngaia are kam riai ni kakauongo raoi nakon te b'ai ae I taekinna.

Ieremia 30:16

Ma ngkana a kataia ami kairiribai ni kimoaingkami ke ni uruana aromii, ao N na manga kimoaia ma n uruana aroia, ao a na uotaki nako b'a taian taenikai nakon abaia ianena.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

B'aeb'aeti 2:22

Ko kaoiia kairiribai nakon te bootaki, ao a taua aron te bootaki ma n karikia b'a te tai ae kakamaaku., Ao bon akea ae konaa ni birinako man bongin unim. A tiringiia natiu, aika i tangiriia b'a i bon kaikawaia.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Tekaria 1:15

N taai aika a nako I un ma botannaomata, ma ngkai E a rangi ni maraki nanou b'a a tia ni karaoi riki b'aai aika a buakaka nakon are mai m'aaina i bukin Ierutarem ao bon akea teuana tabetaben nanoia iai.

Ioane 17:25

Tamau, ae am b'ai te eti, e aki ataiko te aba, ma I ataiko; ao a ataai uaakai ae Ko kanakomaiai.

M'akuri 17:23

B'a ngke I nakonako i nanon ami kaawa ma n taratarai b'aai aika kam taromauri, ao I nora naba te baonikarea teuana ae e koreaki i aona ae kaangai, “NAKON TE ATUA ARE AKI ATAAKI.” Ma ngaia aei, b'a Ae kam taromauria, Are aki ataaki, ao boni Ngaia ae I kaotia nakoimi.

1.I-Korinto 15:34

Kam na b'aina te iango raoi, ao tai bure; b'a iai tem'angina i buakomi aika aki ata te Atua; ao I taekina aei b'a kamamaaeami.

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Te Kaotioti 16:1

Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”