Ieremia 10:15 - Te B'aib'ara

¹⁵ Kaanga bon ti taian b'ai ni keekewe ao a na manga kamaunaaki ngkana e a roko te tai.

Ieremia 10:15 Iomraidhean Croise

Taian Areru 115:9

Ngkami aika Iteraera, onimakina te UEA b'a e na buokingkami mani kawakiningkami.

Itaia 41:24

Bon akea boonganami ngkami aika taian bouannanti, bon akea m'aakami. E na riki b'a te b'ai ae e rangi n ribaaki taromauriakimi.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 57:12

Tao ko taku b'a ko rangi n raoiroi, ma N na kaota te koaua.

Ieremia 10:11

Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 43:12

N na kaurarakea temboran antiia kaain Aikubita, ao uean B'aburon e na kaurarakea antiia ke na uoti nako. Kaanga aroia taani kaawakin tiibu ngkana a taetaea kunnikaia ni kaitiakia ngkana a anaia, ao aron naba uean B'aburon ngkana e anaa te aba are Aikubita ni kaitiakia ao i mwiina e nako ma te tokanikai.

Ieremia 50:2

Anga te kanikina ao katanoataa taian rongorongo! Kam na aki karabaa! E a tia ni b'aka B'aburon! E a tia ni maerikiriki te anti are Merotaka! A kamaamaaeaki bouanantin B'aburon, ao a kamanatuaaki bannaia aika a rangi n ribaaki!

Ieremia 51:18

Bon ti taiani b'ai ni manikangare taiani bouannanti, ma ane a na uruaki, ngkana e roko raoi te tai.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Iona 2:8

Akana a taromauri bouannanti aika akea maneia, a tia ni kitana karineam.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

1.Tamuera 12:21

Kam na aki taromaurii taian bouananti! Bon akea m'aakaia, ao a bon aki konaa ni buokingkami ke ni kamaiungkami ngkana kam a reke n te kangaanga.

1.Tamuera 5:4

Ma n te ingabong are i mwiina, ao e a manga b'aka naba ni wene ni bobaraaki i aon te burooa i matan te Atiniberita. E boni b'anin rab'atan te bouananti, ma e tii uruaki atuuna ma baina ake uoua ao a wene i aon te burooa te timanti i matan te mataroa n otinako.