Ieremia 10:12 - Te B'aib'ara

¹² Ko karaoa te aonnaba ao ko taakin taiani karawa ni wanawanam ao m'aakam.

Ieremia 10:12 Iomraidhean Croise

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Karikani B'aai 2:5

Ngke E karaoa karawa ma aonnaba te UEA, ae te Atua, ao bon akea taian aroka ma taian koraa aika bwebwerake n te aonnaba i bukina b'a E tuai karokoa te karau te Atua, ao bon akea naba te aomata are e na m'akuriia te tano ma taian aroka,

1.Rongorongo 16:26

A taromauri bouannanti botannaomata ake tekorakina, ma E karaoi taiani karawa te UEA

Iobi 26:7

E arora karawa meang i aon te akea, ao E katinetinea te aonnaba n te akea.

Iobi 37:18

Ko kona ni buoka te Atua n arora karawa ma ni karaoia b'a kaanga te biti ae matoatoa?

Iobi 9:8

Bon akea temanna ae buoka te Atua ngke E taakina nako karawa, ke ngke E toubekaa nukan te mannikaakang ae kakamaaku are i taari.

Taian Areru 104:2

Ko otab'aniniaki n te oota b'a kanga niniram. Ko taakina karawa b'a kanga te roki.

Taian Areru 104:24

Te UEA, ai batiraa am M'akuri! Ko a rabakau ra ni karaoi! A on aonnaba ni baika iai te maiu iai.

Taian Areru 119:90

E teimatoa am Kakaonimaki nakon rooro ni bane; Ko a tia ni kataua te aonnaba ma nena, ao e nene ni matoatoa iai.

Taian Areru 24:2

B'a E katea aonnaba i aon taian taari, ao E kawenea aana i nanoni marawa.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taian Areru 65:7

Ko katoka rurungaani marawa ma karongoaan b'aron naao; Ko katoki kiriweia botannaomata.

Taian Areru 78:69

E katea ana Tembora ikekei n ai aroni mwengana i Karawa; E kamatoatoaa n ai aron aonnaba are E karaoia b'a e na nene ni matoatoa n aki toki.

Taian Areru 93:1

E uea te UEA. E kunnikaia n niiniiran te uea, ao E korakora m'akana. E tiku raoi ni matoatoa ni nena aonnaba ao e aki kona ni kam'aingaki.

Taeka n Rabakau 3:19

E karika karawa ma aonnaba te UEA n rabakauna ma wanawanana.

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 37:16

Te UEA ae Atuaia Iteraera ae Moan te M'aaka, e mena am kaintokanuea i aon baika a maiu aika iai baiia ni kiba. Ko karaoa karawa ma aonnaba, ao bon ti Ngkoe n tautaekan taian abanuea n te aonnaba.

Itaia 40:22

Bon te Atua ae e tautaekana te aonnaba ni kabane, ao ngaira aika ti maeka ikai bon ti taian man aika a uarereke. E taakin nako taiani karawa kaanga te kunnikai ke te autinrianna ae e aki rokinaki.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:12

I karika te aonnaba ao I kaonna irouia aomata; I arora nako karawa ao I kaonna n taian itoi.

Itaia 45:18

Bon ti te UEA te Atua! E karikii taiani karawa ao e karaoa te aonnaba ike a maeka iai aomata, ao e aki karaoa te rereua ae akea kanoana. Bon ti te UEA te Atua; bon akea riki atua tem'angina.

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Ieremia 10:13

A rurunga raan ake n taiani karawa n am taeka. Ko kabetirakei naang ko kanakoi taian ang man am autinib'ai ao ko karaoa te iti i nanon te karau.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Ioane 1:3

E kariki b'aai ni kabane te Atua i rouna; ao ngke tao akea Ngaia, ao e aki karikaki te b'ai teuana ae karikaki.

I-Korote 1:16

B'a a karikaki b'aai ni kabane mai Rouna, ake i karawa ma ake i aon te aba ake a noraki ma ake aki noraki, ma baika iai m'akaia ma aroia n tautaeka; a bane ni karikaki mai Rouna, ao i bukina.