Ieremia 10:11 - Te B'aib'ara

¹¹ Ko tuangai b'a n na taekinna b'a a aki karaoa taiani karawa ma aonnaba taian bouananti, ao Ko na kamaunai taiani bouananti Ngkoe ae te UEA.

Ieremia 10:11 Iomraidhean Croise

Taian Areru 96:5

Bouananti antiia botannaomata nako, ma E karika karawa te UEA.

Itaia 2:18

A na nako taiani bouannanti i bukin karaoan te raoiroi.

Itaia 57:12

Tao ko taku b'a ko rangi n raoiroi, ma N na kaota te koaua.

Ieremia 10:15

Kaanga bon ti taian b'ai ni keekewe ao a na manga kamaunaaki ngkana e a roko te tai.

Ieremia 43:12

N na kaurarakea temboran antiia kaain Aikubita, ao uean B'aburon e na kaurarakea antiia ke na uoti nako. Kaanga aroia taani kaawakin tiibu ngkana a taetaea kunnikaia ni kaitiakia ngkana a anaia, ao aron naba uean B'aburon ngkana e anaa te aba are Aikubita ni kaitiakia ao i mwiina e nako ma te tokanikai.

Ieremia 43:13

Ane e na urua te atiibu ae e tabu are i Erioboriti i Aikubita ao e na kabuoka temboran antin Aikubita ni kab'akai.”

Ieremia 50:2

Anga te kanikina ao katanoataa taian rongorongo! Kam na aki karabaa! E a tia ni b'aka B'aburon! E a tia ni maerikiriki te anti are Merotaka! A kamaamaaeaki bouanantin B'aburon, ao a kamanatuaaki bannaia aika a rangi n ribaaki!

Ieremia 51:18

Bon ti taiani b'ai ni manikangare taiani bouannanti, ma ane a na uruaki, ngkana e roko raoi te tai.

B'aeb'aeti 3:66

Kauna nanom irouia ao rimwiia ni karokoa a reke iroum m'anekaia i aan taiani karawa.

Etekiera 30:13

A na kamaaeaki taian bouannanti ma banna ake kam taromaurii ngkami aika kaain Aikubita n te kaawa are Membiti (Nobi). Bon akea temanna ae e na tiku n tautaekana am botannaomata, ao e na onrake te aba n te maaku.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Te Kaotioti 20:2

E taua te rakon, are te naeta nikawai, are te riaboro are Tatan; ao e kabaea n te taurekereke ao e tewea nako Abuto, ao e kaina mataroana ao e kanikinaea aona b'a e aonga n aki kaukaki. E na tiku ikekei i nanon teuana tengaa te ririki, b'a e aonga n aki manga m'am'anaia botannaomata nako. E na boni kainaomataki rimwi, ma e na aki maan ana tai n inaomata.

1.Tamuera 5:4

Ma n te ingabong are i mwiina, ao e a manga b'aka naba ni wene ni bobaraaki i aon te burooa i matan te Atiniberita. E boni b'anin rab'atan te bouananti, ma e tii uruaki atuuna ma baina ake uoua ao a wene i aon te burooa te timanti i matan te mataroa n otinako.