Ieremia 1:19 - Te B'aib'ara

¹⁹ Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Ieremia 1:19 Iomraidhean Croise

Taian Areru 129:2

Ma ngke I moa n uarereke ao a tia au kairiribai ni b'ainikirinai n te aro ae I rawata iai; Ma a aki kona n tokanikai i aou.

Ieremia 1:18

E na kakorakorako m'aakau kaanga te nono ke taiani boua aika biiti ke te oo ae te buraonti. Ko na kaaitaraia kaain Iuta ni kabane, n reitaki ma ueana ao taani kairiiri, ibonga ao aomata.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Ieremia 11:19

Ma E tuangai te UEA b'a a tia n iaiangoa koreau ni kab'akaaki kaanga te aroka uaana ma b'aina ni kabane b'a e aonga n ae akea ae e na manga konaa ni manga ururingai riki.

Ieremia 11:21

Ao i mwiina, e taku te UEA: Ieremia, a taku tabeman m'anen Anatota b'a a na tiringko, ngkana ko teimatoa n taetae i buku.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 2:1

E tuangai te UEA b'a

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Ieremia 26:8

ao ngke e a tib'a bane taekinan b'aai nako ake e mwiokoai te UEA b'a N na taekin, ao a tauai ma n takaarua ni kaangai, “Ko na riai n tiringaki i bukin te b'ai ae ko karaoia!

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 39:17

Ma N na kaawakiningkami Ngai ae te UEA, ao kam na aki uotaki nako ia aika kam maakuia.

Ieremia 42:11

Kam na aki maaka Uean B'aburon. N na kamanoingkami mai rouna,

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Taniera 3:25

Ao e kaekaia ni kaangai, “Ma e aera ngkai I nooriia aman te m'aane n nakonako i nuukan te ai? Kai a b'ara kabaeaia, ao a aki bue, ao kaanga e taraa n anera teuare te kaaman.”

Warekaia Iteraera 14:9

Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

M'akuri 26:17

N na kamaiuko mairouia te botannaomata ae Iteraera ao mairouia aomata aika tiaki I-Iutaia, ake I kanakoko nakoia,

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”