Ieremia 1:15 - Te B'aib'ara

¹⁵ Ko na mataku ngkana I weteia uea mai meang. Ane a na buaka ma n taua Ierutarem ao kaawa tabeua, ao i mwiina, a katei aia kaintokanuea ni mataroan nako Ierutarem.

Ieremia 1:15 Iomraidhean Croise

Itaia 22:7

A onrake n taiani kaanibuaka ami m'arua ake a rangi n tamaroa; A katobibiaki ami kaawa aika a buubura irouia te taanga ni buaka aika a toka i aoia aoti.

Ieremia 10:22

“E na ongo te aba karongoaan te urub'ai mai meaang ae kaanga ai aron te baa. Ao n te tai ae e aki maan, a na uruaki ara kaawa nako ao a na maeka iai taian tiakaore.”

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Ieremia 13:20

Ierutarem, ko tautaekaniia kaain Iuta ma te kainikatonga ae moan te korakora. Ma a ngaa ngkai?

Ieremia 25:28

E tuangai te UEA b'a ngkana iai mai buakoia ae e rawa ni mooi man te m'angko aei, ao N na tuangiia Ana taeka ae e kaangai, “Bon te UEA Ngai ae moan te M'aaka ae I tuangkami b'a kam na mooi.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 33:10

Ieremia, ko taku b'a e na rereua te aba aei ao akea aomata ma maan iai, ao n te tai aei, e bon eti are ko taekinna. A akea kaain kaawan Iuta ao e a rereua kawain te kaawa i Ierutarem, ao bon akea aomata ma maan n nooraki n taabo nako. Ma a na roko boong ane ko na manga ongo iai

Ieremia 34:1

Bon iai ana taanga ni buaka te Uea are Nebukaneta ae e kaainaki irouia aomata nako man ana tautaeka. E m'ananga ngaia ma ana taanga ni buaka ni buakana Ierutarem ao kaawa nako ake i rarikina. E taetae te UEA nako iu n te tai anne

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 39:3

Ngke e tauaki Ierutarem, a bane n roko ana mataniwi aika a rietaata uean B'aburon n taui aia tabo i nuukan te Mataroa are Nuuka, n reitaki ma Nerekara Tiaretera, Tamkara Nebo, Taretekim, Raba Tarita, ao Nerekara Tiaretera are teuana.

Ieremia 4:16

E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Ieremia 43:10

Ao i mwiina, ko na tuangiia b'a bon Ngai ae te UEA ae Moan te M'aaka ae Atuaia Iteraera, ae I kanakoa Au tia m'akuri, ae Nebukaneta ae kaain B'aburon. N na karokoa ikai mani karaoia b'a e na katea ana kaintokanuea ma ana autinrianna n uea i aon atiibu aikai, aika I a tia n tuangko b'a ko na tauni.

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 46:24

A na kab'ainrangaki am aomata ao a na kataenikaiaki irouia kairiribai mai meaang.

Ieremia 5:15

Kaain Iteraera, I a tia ni karaoa au babaaire. E na buakaningkami te taanga ni buaka man te aba ae e raroa nako. I a tia n rinea te botannaomata nikawai ae kam babanga aia taetae.

Ieremia 6:22

E taku te UEA, “Taratara nako nako iang, nakon te tabo are e mena iai te botannaomata ae e korakora are e katauraoi nakon te buaka.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 5:11

A tauia buura i aon te maunga are Tion, ao a kairoroia natira ataei n aine b'a ana anga rab'ataia i nanon kaawan Iuta.

Etekiera 32:30

A mena ikekei ruanimateia taan tautaeka mai meaang, ao ai uana naba ma kaain Titon. A kakamaaku ngkoa aia taanga ni buaka ae e korakora. Ma ngkai a wene n taunaki i abaia maate, ike a kab'ainrangaki iai n ai aroia tautia ake tabem'aang ake a mate n te buaka.

Ioera 2:20

A buaka te taanga ni buaka mai meang, ma N na kakionakoia nakon te rereua are e kabuebue. Ao a na mka ma ni m'aung ni moa man Taari are Mate ni karokoa te Mereterenian.” E karaoi taian kakai te UEA

Tekaria 6:6

E nako iaang te kaa ni buaka are e katikaki irouia aoti aika a roro, ao are e katikaki irouia aika mainaina a wairio: ao are e katikaki irouia ake a tabonobono ni kureei, a nakoaiaki.”