Iakobo 5:7 - Te B'aib'ara

⁷ Ma ngaia aei, taari, kam na taotaon nanomi ni karokoa rokon te Uea. Nora aron te tia ribana: e taninga te uaa ae kakawaki ae na riki man te aba; ao e taotaona nanona n taningaia ni karokoa ae e anganaki te moa ni karau ma te karau are i mwina.

Iakobo 5:7 Iomraidhean Croise

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Tekaria 10:1

Boni Ngai ae te UEA are I kanakoi nangin te buaka ao maatim ni karau b'a a aonga ni kariki uaa taian tawaana. Ma ngaia are, ngkana a kainanoa te karau taian uita kam na riai n tataro nako iu.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mataio 24:27

B'a aron te iti ngkana e iti mai mainiku, ma n oota ni wairio, ao ai aron naba rokon Natin te Aomata.

Mataio 24:44

Ma ngaia ae kam riai naba ni b'aina te tauraoi; b'a ae E na roko Natin te Aomata n te aoa are kam aki kaantaningaia iai.

Ruka 18:8

I tuangngkami b'a ane E na iri taangaia ni waekoa. Ma ngkana E roko Natin te Atua, E na kunea te onimaki i aon te aba?

Ruka 21:27

Ao ngkanne, ane a na noora Natin te Aomata b'a E na nako mai n te nang ma te m'aaka ao te mimitong ae bati.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ioane 21:22

E kaekaa Iesu ni kaangai, “Ngkana I tangiria b'a e na teimatoa ni maiu ni karokoa manga okiu, ao e aera b'a ko na katabea nanom iai? Ko na irai.”

Ioane 21:23

E a buta nako ngkanne te rongorongo i buakoia taari akekei ae e na aki mate te reirei arei; ma E aki taku Iesu nakoina b'a e na aki mate, ma E kaangai, “Ngkana nanou b'a e na teimatoa ni maiu ni karokoa manga okiu, ao e aera b'a ko na katabea nanom iai?”

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

1.I-Korinto 1:7

Ma ngaia are akea te b'ai n tituaraoi teuana ae akea i roumi, ngkai kam tiku ni kaantaninga kaotan ara UEA are Iesu Kristo.

I-Karatia 5:5

B'a a ingainga nanora ni kakariaria reken reitakira ma te Atua; ao ti kaantaninga aei b'a e na karaoaki ri nanon ara onimaki ni m'aakan te Tamnei.

I-Karatia 6:9

Ma a na tai toki nanora ni kakaraoa ae e raoiroi, b'a ti a bon tai anai mwin ara m'akuri n te tai ae riai, ngkana a aki b'ara nanora.

Te Tua-Kaua 11:14

ao E na karokoa te karau ni bon tain te karau, ma ngaia are, a na reke kanami, ma ami wain, ao b'aan te oriwa aika m'aiti, ao a na m'aiti naba taiani uteute i bukiia ami nanai ni man.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 2:19

B'a tera ara kaantaninga, ao ara kim'areirei, ao te baunuea ae ti na kamoamoaira iai? Tiaki boni ngkami i matan ara Uea are Iesu n rokona?

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

Ebera 6:15

Ao i bukin aron Aberaam n taotaona nanona, ao e a reke i rouna mwin te taeka n akoi arei.

Iakobo 4:11

Taari, kam na tai kabuakaka. Ane kabuakaka tarina, ke ane motika taekan tarina, ao e kabuakaka te Tua, ke e motika taekan te Tua; ngkana ko motika taekan te Tua, ao tiaki te tia toua mwin te Tua ngkoe, ma bon te tia motiki-taeka iai ngkoe.

Iakobo 5:10

Taari, kam na ururingiia burabeti ake a taetae n aran te Uea. A na riki b'a banna ni kakairi n aroia ni kataua te maraki ma ni botum'aka n taotaon nanoia.

Iakobo 5:3

A raraa ami koora ma ami tirewa; ao a na riki raraani baikai b'a b'aai ni kakoaua aika na kabuakakaingkami, ao a na kang irikomi n ai aron te ai. Kam a tia ni kaiko ami b'ai i nanoni boong aika kabaneani boong.

2.Betero 3:4

ao ane a na kaangai, “E nga rokona ae taekinaki? B'a man te tai are a mate iai ara bakatibu, ao a teimatoa n tiku b'aai ni kabane n aroia ma ngke a moa ni karikaki aonnaba.”