Iakobo 5:16 - Te B'aib'ara

¹⁶ Ma ngaia ae kam na kaotioti ami bure nakoimi, temanna nakon temanna, ao kam na tataro i bukimi, temanna i bukin temanna, b'a kam aonga ni kamaiuaki. E bati ni m'aaka ana tataro te aomata ae kakaraoa nanon te Atua, ngkana e tataro ma nanona.

Iakobo 5:16 Iomraidhean Croise

Karikani B'aai 19:29

Ngke E kamaunai taian kaawa aika buubura te UEA, ake n te m'arua are e maeka ngkoa iai Roota, ao E bon uringa naba Ana berita ma Aberaam, ma ngaia are, E kabirinakoa Roota nakon te tabo ae na maiu iai.

Karikani B'aai 20:17

Ao te UEA, E karaoia ainen ana bareti te uea b'a a na aki kakariki i bukin te b'ai are e riki nakon Nei Taara are buun Aberaam.

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

2.Tamuera 19:19

Ao e taku, “Te uea ae ko karineaki, I butiiko b'a ko na aki katuaeai! I butiiko b'a ko na m'aninga b'aai nako ake I karaoi ngke ko kiitana Ierutarem. Ko na bon aki ururing.

1.Uea 13:6

Ao e buubutii Ieroboam ni kaangai, Taiaoka tataro nakon te UEA ae Atuam ni butiia b'a E na kamaiuia baiu.

2.Rongorongo 30:20

E kaeka ana tataro Etekia te UEA ao e aki katuaaia.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Taian Areru 34:15

E aki kaaki matana te UEA mairouia akana raoiroi; ao E ongo ni b'anaaia ni bubuti.

Te Otinako 17:11

Ao ngkana e katei baina Moote, ao a tokanikai Iteraera, ao ngkana e katikui baina, ao a manga moanna n tokanikai kaain Amareka.

Te Otinako 9:33

Ao e kiitana te uea Moote, ao e otinako man te kaawa are e buubura arei, ao e tabeki baina ni kauaai n tataro nakon te UEA. Ao e toki rebwen te baa, te karau te aiti, ao e toki te karau ni kabane.

Taeka n Rabakau 15:29

E bon aki konaa n ongo te UEA aia tataro aika a buakaka, ma e kaekai aia tataro aika a ongotaeka i rouna ni kabane.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 28:9

E aki konaa ni kukurei te Atua n ongora aia tataro aika a aki ongotaeka nakon ana Tua.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Warekaia Iteraera 11:2

Ao ngke a butiia aomata Moote, ao e tataro Moote, ao e mate te ai arei.

Mataio 21:22

Ao te b'ai ane kam bubuti n te tataro, e na reke nako imi, ngkana iai ami onimaki.”

Mataio 3:6

A b'abetitoaki i rouna n te karaanga are te Ioretan, ngke a kaoti aia bure.

Mareko 1:5

Ao a bane ni kawaria aomata nako ake a maeka i Iutaia, ma i Ierutarem, ao a b'abetitoaki i rouna n te karaanga are te Ioretan, ngke a kaoti aia bure.

Ruka 9:6

Ao a nako ana reirei ni kawari kaawa nako n tataekina te euangkerio, ao a kakamaiu n taabo ake a roko iai.

Ioane 9:31

Ti ataia b'a E aki ongo te Atua irouia aomata aika taani bure; ma ngkana e taromauria te Atua te aomata, ma n ongeaba nakoina, ao E ongo te Atua i rouna.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 19:18

A m'aiti naba aomata i buakoia ake a tia n onimaki aika roko ni kaoti aroia, ma ni karakin aia m'akuri nako aika bubuaka.

M'akuri 8:24

Ao e kaeka Timon ni kaangai, “Tataro nakon te UEA i buku, b'a e na aki riki nako iu te b'ai teuana ni baikana kam atong.”

I-Rom 3:10

n ai aron are koreaki ni kaangai: “Akea temanna ae kororaoi i matan te Atua!

I-Rom 5:19

B'a aroia aomata aika bati ngke a riki n atongaki b'a taani bure n ana aki-ongeaba te aomata ae ti temanna, ao ai aroia naba aomata aika bati b'a a na kaetaki aroia n reitaki ma te Atua n ana ongeaba te aomata ae ti temanna.

I-Korote 1:9

Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

1.I-Tetaronike 5:17

ao tataro n taai nako,

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

1.I-Tetaronike 5:25

Taari, kam na tataro naba i bukira.

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

Ebera 12:13

ao nakonako i aoni kawai aika eti, b'a e aonga n aki tiba nako toman riin te bubua ni wae are mamara, ma e na riki ni marurung iai.

Ebera 13:18

Kam na tataro i bukira; b'a ti taku b'a a raoiroi mataniwin nanora, ngkai ti kani kakaraoa ae raoiroi nakoni b'aai ni kabane.

Iotua 10:12

Ao e buokiia aomatan Iteraera te UEA n te bong arei b'a aonga n tokanikai i aoia taian Amoraite. Ao ngke e a tia n tataro Iotua nakon te UEA ao e taetae ni kanenea b'anaana i mataia Iteraera ni kaangai, “Taai ko na tei n aki kakam'akuri i aon Kibeon, ao ngkoe ae nam'akaina, ko na tei naba n aki kakam'akuri i aon te m'arua are Aiiaron.”

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Ioane 3:22

ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.

1.Tamuera 1:12

Ao e tataro n aki kakarongoa Nei Anna nakon te UEA n te tai ae maan.

1.Tamuera 12:17

Tiaki aei ngkoa tain te m'auteretere? N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

1.Tamuera 12:18

Ao e tataro Tamuera, ao ni bon te bong naba arei, E a kanakoa te karau ma te baa te UEA. Ao a bane ni maaka te UEA ma Tamuera aomata.