Iakobo 4:3 - Te B'aib'ara

³ Kam bubuti, ao kam aki anganaki, b'a kioina ngkai kam bubuti n te aro ae aki riai, b'a kam na bakataei ami b'ai i bukin nanomi aika naano n aonnaba.

Iakobo 4:3 Iomraidhean Croise

1.Uea 3:11

Ko aki naba buubutii i bukin kamaunakiia am kairiribai, ma ko buubutii i bukin te wanawana n ataa arom ni babaaire.

Iobi 35:12

A tangira buokaia ma E aki kaekaia te Atua i bukina b'a a kainikatonga, ao bon aomata ngaiia aika buakaka.

Taian Areru 18:41

A tangira buokaia, ma akea ae buokiia; A wetea te UEA, ma E aki ongo irouia.

Taeka n Rabakau 1:28

Kam na buubuti buokami mairou, ma N na bon aki kan ongo; kam na ukeuke, ma n na bon aki reke iroumi.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 11:14

Ieremia, ko na aki tataro i bukiia aomata aikai ke ni buubutiai kamaiuia. Ngkana ko buubutiai i bukiia ao N na bon aki kan ongo, ao N na bon aki naba kan ongo ngkana a tataro!

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Mika 3:4

E na roko te tai are kam na tang iai nakon te UEA, ao E na aki kaekai ngkami, E na aki kan ongo ami tataro, i bukina b'a kam a tia ni karaoa ae e buakaka.

Tekaria 7:13

ao I a kaangai, “Kam aki tabe ngkami aika aomata ngkana I weteingkami, ao ngkai N na aki kan ongo ngkana kam weteai.”

Mataio 20:22

Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Mareko 10:38

Ma E taku Iesu nako ia, “Kam aki ata te b'ai ae kam bubuti i bukina. Kam kona ni moi ni m'angkon te karawawataaki ae N nangi nimma? Ao kam kona ni b'abetitoaki n te aeka ni b'abetito ae N nangi b'abetitoaki iai?”

Ruka 11:10

B'a ane bubuti ao e na anganaki, ao ane ukeuke ao e na karekea, ao e na kaukaki te mataroa nakon ane karebwerebwe.

Ruka 15:13

I mwini boong tabeua, ao e kabane tib'ana teuare te karimwi n rairi nakon te m'ane, ao e kitana mwengana n nako n te aba ae raroa, ao e kabanei iai n te aro ni maiu ni bakatae.

Ruka 15:30

Ma ngkae e a roko natim anne, ane bakataei am b'ai irouia kabekaau ao ko tiringa te kao te teei ae kamarikaaki i bukina.”

Iakobo 4:1

A riki maia taiani buaka, ao a riki maia taian un i buakomi? Tiaki a riki man naano n aonnaba aika kume ni buaka i nanoni b'ain rab'atami?

1.Ioane 3:22

ao ane ti bubuti ao ti anganaki i Rouna, b'a kioina ngkai ti tau ana tua, ao ti karaoi baika kakukurei i matana.

1.Ioane 5:14

Ao aio kakoauaana i roura, b'a ngkana ti tataro ni butiia te b'ai teuana n ai aron nanona, ao E bon ongo i roura.