Iakobo 4:2 - Te B'aib'ara

² Kam tangiri b'aai, ao a aki reke iroumi; ma ngaia ae kam kamateia aomata. Kam bakantang, ao a aki kona n reke ami b'ai, ma ngaia ae kam un ao kam buaka. A aki reke ami b'ai b'a kioina ngkai kam aki bubuti.

Iakobo 4:2 Iomraidhean Croise

1.Uea 21:6

Ao e taku Aaba, “I bubutiia Naabota b'a e na kabooa ana onaroka ni kureebe nako iu ke N na anganna ae e tamaroa riki. Ao e tuangai b'a e aki kona n anganai.”

Taeka n Rabakau 1:19

Te kaub'ai are ko karekea man te bure e na manga bon iraeiko mani maiumi.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Itaia 7:12

Ao e kaeka Aati, “I aki kataiko!”

Ab'akuka 2:5

Te kaub'ai bon te tia m'am'anaa te aba. Aomata aika a m'angai-n-rang a kamoamoa ao akea aia motirawa. A bon aki kona n rauaki nanoia n ai aron te mate (rua-ni-mate). Ao bon anne bukina are a buakani man taui aaba teuana i mwin teuana.

Ioane 16:24

Kam tuai ni bubuti te b'ai teuana n arau ni karokoa ngkai: kam na bubuti, ao ane kam na anganaki, b'a e aonga ni koro raoi kim'areireimi.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.

1.Ioane 3:15

Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.