Iakobo 4:10 - Te B'aib'ara

¹⁰ Kam na nanorinano i matan te Uea, ao ane E na karietataingkami.

Iakobo 4:10 Iomraidhean Croise

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Iobi 22:29

E kab'akaia aika kainikatonga te Atua, ao E kamaiuia aika nanorinano.

Iobi 5:11

Eng, bon te Atua ae kateirakea te aomata ae nanorinano, ao E kakukureia aika tangi ni wenei ni kabane.

Taian Areru 113:7

E buokiia akana kananoanga ni karikirakei aroia, man te bubu ao te mannang,

Taian Areru 147:6

E buokiia ni kamarurungia akana b'ainikirinaki te UEA, Ao E katoki eeia ni kab'ainrangiia akana buakaka.

Taian Areru 27:6

Ma ngaia ae N na tokanikai i aoia aiau aika otab'aniniai. N na angakarea i nanon ana um'antabu ma te b'ana ni kim'areirei; N na anene ni kamoamoa te UEA.

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Taian Areru 30:1

I neboiko te UEA, b'a Ko kamaiuai; ao Ko tukiia aiau b'a a na aki b'ainingareai.

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Taeka n Rabakau 29:23

E uota te kamamaaeaki te kainikatonga ae e bati; e karekea te neboaki te nanorinano.

Etekiera 21:26

Boni Ngai ae te UEA ae te Atua ae I tuangkami b'a kam na kanakoi m'aita ni uea ma ami baunuea, b'a a na bane ni bitaki b'aai ni kabane. A na manga mwiokoaki koraki ake akea m'aakaia ngkoa, ao ake a tautaeka ngkai a na manga riki n akea aroia.

Mataio 23:12

ane karietata ao e na kamangoraki, ao ane kamangoria ao e na karietataki.

Ruka 1:52

E kab'akaia akana korakora man aia kaintokanuea, ao E karietataia akana mangori;

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

1.Betero 5:6

Ma ngaia ae kam na kananorinanoingkami i aani bain te Atua ae baina ae m'aaka, b'a E aonga ni karietataingkami n te tai ae riai.

1.Tamuera 2:7

Ara UEA boni Ngkoe ae Ko karikiira b'a kaub'ai ke taiani kainano. Ko kamenakiia tabeman ni m'akuri aika rietaata ao Ko kab'akaia tekorakina.

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.