Iakobo 3:3 - Te B'aib'ara

³ B'a ngkana ti karini m'akoroni biiti i nanoni wiia aoti ake a na bweenaki iai, b'a a aonga n iri nanora, ao ti a kona iai ni kairiia nakon te tabo are ti tangiria.

Iakobo 3:3 Iomraidhean Croise

2.Uea 19:28

I a tia n noora kainikatongam ma ribaakiu ae moan te korakora iroum. Ao ngkai N na karina te matau i nanoni b'airim, ao te m'akoro ni biti i nanoni wiim, ao i mwiina I a kaokiko nakon te tabo are ko nako mai iai.

Iobi 41:13

Bon akea temanna ae kona ni kuota nako kunna, ke n ewara nangoana ae kaanga biiti, are e karin i aona.

Taian Areru 32:9

Tai nanobaba n ai aron te aoti ke te miure ake a tangira kairakiia mani kabaean ubuia b'a a aonga n ongeaba.

Taian Areru 39:1

I kaangai, N na taraa raoi kawaiu ao N na taua neweu man te bure; N na katokai baiu n rabun wiiu ngkae a mena i rariku taani bure.

Itaia 37:29

I a tia n noora kainikatongam ao unim ae e rangi ni korakora irou. Ao ngkai N na kaaki te matau i b'airim, ao te b'ai ni bwe i nanoni wiim, ao i mwiina, N na kaokingkami. nakon te tabo are kam nako mai iai.

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

Iakobo 3:4

Ao taraia naba kaibuke: a ab'ab'aki ao a kabutaki n aang aika korakora, ma a kaetaki ni kawaia n te bwe ae moan te uarereke nakon te tabo are e kani borau nako iai te tia taubwe.