Iakobo 3:15 - Te B'aib'ara

¹⁵ Te aeka n rabakau aei e aki ruo mai eta, ma boni b'ain aon te aba, ae b'ain te rab'ata, ao aia b'ai taimonio.

Iakobo 3:15 Iomraidhean Croise

2.Tamuera 13:3

Ao iai raoraon Amnon ae arana Ionataba, are natin tarin Tawita are Timea. E buobuoka Amnon ni kakaaea angan rekena i rouna,

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 16:23

E angaanga ana taeka n reirei Aitobera ni boong akekei ake a kaai n taku Abetarom ao Tawita b'a a roko mairoun te Atua.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

Ioane 3:17

B'a E aki kanakoa Natina te Atua nako aon te aba b'a E na motika taekana, ma E kanakoa b'a e na kamaiuaki te aba i rouna.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

I-Rom 1:22

A taku b'a a rabakau, ma a nanobaba;

1.I-Korinto 1:27

Ma te Atua E rinei baika atongaki n te aonnaba aei b'a a baba, b'a E na kamamaaia aomata aika rabakau. E rinei b'ain aon te aba aika mamara b'a E na kamamaai baika korakora.

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

1.I-Korinto 3:19

B'a rabakaun aonnaba bon te nanobaba iroun te Atua. B'a e koreaki ae kangai: “E kam'aneia akana rabakau te Atua n aia iango n nanowanawana.”

1.I-Korinto 3:3

i bukina b'a kam teimatoa ni b'aina te maiu are bobuaka ma nanon te Atua. B'a ngkai iai i roumi te bakantang, ma te kauntaeka, ao tiaki kam ekaanako nanon te Atua, ao kam katotoong aroia aomata?

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

2.I-Tetaronike 2:9

E na roko te tia ri aon te tua ma m'aakan Tatan ao e na karaoi taiani kanikina ma kamimii ni kewe.

1.Timoteo 4:1

E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

Iuta 1:19

Aomata aikai boni ngaiia aika kariki taian raure; aomata aika iri oin nanoia ni baika a tangiri, ao akea te Tamnei i rouia.

Te Kaotioti 12:9

Ao e teweaki nako mai eta te rakon are korakora, are te naeta are ngkoangkoa, are arana te Riaboro ke Tatan, are m'am'anaia kaain aonnaba ni kabaneia: e teweaki nako aon te aba, ao a teweaki nako naba ana anera ma ngaia.

Te Kaotioti 2:24

“Ma ngkami, akana nikiraia ami koraki i Tuateira, akana kam aki toua mwin te reirei ae buakaka aei, akana kam aki atai baikana a atongaki irouia tem'angina b'a ana b'ai Tatan aika nano, I aki kani kaaki riki te rawawata teuana i aomi.

Te Kaotioti 9:11

Iai aia uea b'a aneran te tabo are Abuto. Aran te anera anne n te taetae n Ebera bon Abaton, ao n te taetae n Erene Aboruon.