Iakobo 2:6 - Te B'aib'ara

⁶ Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?

Iakobo 2:6 Iomraidhean Croise

Iobi 20:19

I bukina b'a a karawawataia aomata ma n aki m'annanoia aika kainano, ao a taui aia auti aomata.

Taian Areru 10:10

E b'atokotoko ao e tataninga, b'a e na raweia konana.

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 10:2

A b'ainikirinaki aomata aika akea aia b'ai irouia aomata aika a kainikatonga. Ane a na boni m'ane n aia babaaire aika a boni bubuaka.

Taian Areru 10:8

E karabaa n taabo ni karan; b'a e na oroia ma ni kamateia akana akea aia bure.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 14:6

Ane kam na kamangaoi aia iango kananoanga ma a tararuaaki iroun te UEA.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Taeka n Rabakau 18:23

E na riai ni buubuti te kainano i bukin buokana, ma e konaa te kaub'ai n anga te kaeka ae e tangibuaka.

Taeka n Rabakau 22:16

Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Taeka n Rabakau 22:7

A tautaekanaki aika a kainano irouia aika a kaub'ai, bon taian toro irouia taan kataarau, aomata aika taan tangob'ai.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Ab'akuka 3:14

Ko ewara te mataniwi n te taanga ni buaka ni kanoan am kainikatebe Ngkana e roko ni kamaenakoira n ai aron rokon te ang ae korakora, ni kamoamoa n ai aroia ake a karabaia ni karawawataia aika kainano.

Tekaria 7:10

Kam na aki karaoa ae e aki raoiroi nakoia aine aika a mate buuia ke ataei aika a akea aia karo ke iruwa ke temanna ae e maiu ni kainano, ao katoka iangoan m'akuri n iowawa temanna nakon temanna.

Ioane 8:49

E kaekaia Iesu ao E taku, “Akea te taimonio irou; ma I karinea Tamau, ao ngkami kam aki karineai.

M'akuri 13:50

Ma a kaunaki irouia I-Iutaia aine ake a kakannato ake a kakaonimaki nakon ana kaantaninga te Atua, ao a kauniia naba mm'aane ake a kakannato n te kaawa, ao a karaoi m'akuri ake a riki ni b'ainikirinaki iai B'auro ma B'arenaba irouia aomata, ao a kakioia nako man abaia.

M'akuri 17:6

Ao ngke a aki reke i rouia, ao a katika Iaton ma taari tabem'aang nakoia taan taua taekan te kaawa arei, ao a takarua ni kaangai, “A roko naba ikai uake a kakiriwe n taabo nako,

M'akuri 18:12

Ma ngke te tia tautaeka i Akaia Kario, ao a kabo nanoia I-Iutaia n eweka B'auro, ao a kairia nako matan te tabo ni motiki-taeka

M'akuri 8:3

Ma Tauro e kataia n urua te ekaretia: e rin i nanon auti nako ni katikiia nako kaain te ekaretia aika mm'aane ma aine, ao e kaakiia i nanon te karabuuti.

1.I-Korinto 11:22

B'a akea ami auti aika kam kona n am'arake ma ni moi iai? Ke kam kakeaa bonganan ana ekaretia te Atua, ma ni kamamaaia te koraki akana akea aia b'ai? Tera ae N na atongnga nako imi? N na kamoamoaingkami? I bon aki kamoamoaingkami n anne.

Iakobo 2:3

Ao ngkana kam taratara teuare kunnikaia te kunnikai ae tamaroa ao kam kaota karineana ni kaangai, “Ko na tekateka ikai n te tabo ae e raoiroi,” ao nakon teuare aki kaub'ai, kam kaangai, “Ko na tei ikekei! ke, Ko na tekateka ikai i rarikini waeu,”

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Iakobo 5:6

Kam motika taekan te aomata ae akea ana bure ni kaburea; ao kam kamatea; ao e aki rawa nakoimi.