Iakobo 2:18 - Te B'aib'ara

¹⁸ Ma ane e na kaangai temanna, Iai am onimaki, ao ngai iai au m'akuri, “Ko na kaota am onimaki nako iu ae e aki noraki koauana n am m'akuri.” Ao ngai au kaeka e kaangai, “Ko na kaota am onimaki nako iu, ngkai akea am m'akuri, ao ngai I a kaota au onimaki nako im n au m'akuri.”

Iakobo 2:18 Iomraidhean Croise

I-Rom 14:23

Ma ane nanokokoraki ngkana e am'arake, ao e kabuakakaki iai i bukina b'a e aki karaoia ma te nano n onimaki; b'a te bae karaoaki ma te aki onimaki bon te bure.

I-Rom 3:28

B'a ti taku b'a e aki kaetaki aron te aomata n reitaki ma te Atua ni karaoan nanon te Tua i rouna, ma e kaetaki i bukin ana onimaki.

I-Rom 4:6

N ai aron naba ana taeka Tawita are atongnga i bukini kab'aian te aomata are atongaki ana onimaki b'a ngaia ae e reke iai kaetan arona n reitaki ma te Atua n aki warekaki ana m'akuri; e kaangai ana taeka Tawita:

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

I-Rom 9:19

Ane ko na titirakinai iai ngkanne ni kaangai, “Ao e aera te Atua ngkae E aki toki ni kakaea kairuan te aomata? B'a antai ae tuka nanona?”

1.I-Korinto 13:2

Ao ngkana iai i rou te kona n taetae ni burabeti, ma te kona n atai baika raba ni kabane, ma te atatai ni kabanea; ao ngkana e bane n reke i rou aron te onimaki are I kona ni kam'ae nako maunga iai, ma ngkana akea te tangira i rou, ao bon akea bonganau.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

Tito 2:7

Ko na kaotiko ni b'aai ni kabane b'a te banna ni kakairi n arom ni m'akuri aika raoiroi; ko na b'aina te eti ma te nano ni koaua ngkana ko anga reirei,

Ebera 11:31

N te onimaki are e aki kamateaki iai Nei Raaba are te kabekaau ma ake a aki onimaki, ngke e a tia ni m'aneia n akoia taan tutuo akekei ma te rau.

Ebera 11:33

N te onimaki ao a kataei aia kai uea, a kakaraoa nanon te Atua, a reke i rouia baike a atongaki n taeka n akoi, a kaini wiia raian,

Ebera 11:6

Ma ngkana akea te onimaki ao e aki kona te aomata ni kakukureia te Atua; b'a e bon riai iroun te aomata ane nako n te Atua ni kakoaua b'a bon iai te Atua ao boni Ngaia te tia karekea kaniwangaia te koraki aika kakorakoraia n ukoukoria.

Iakobo 2:14

Tariu, tera manena ngkana e taku temanna b'a iai ana onimaki ao akea kakoauaana n ana m'akuri? E kona te aeka n onimaki anne ni kamaiua?

Iakobo 3:13

Antai te aomata ae rabakau ae atatai i buakomi? E na kaotia ni maiuna ae e raoiroi ao n ana m'akuri aika raraoi aika e karaoi ma te nimamannei ao te rabakau.