Iakobo 2:15 - Te B'aib'ara

¹⁵ Ngkana akea ana kunnikai tarimi temanna ke m'anemi temanna, ao ngkana akea kanaia n te bong ae koraki,

Iakobo 2:15 Iomraidhean Croise

Itaia 58:10

Anga kanam nakoia akana a baki ao kaawakiniia akana akea aia auti. Ao ane e na oota iai am taura i nanon te roo; A na riki b'a kaanga te tawanou am aoa aika a rangi n rootongitong.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Etekiera 18:7

E aki konaa ni burebureia aomata ke ni kimoa ana b'ai temanna ao e aki toki ni kaakaokii b'aai ake a katukaki i rouna b'a taiani b'ai ni kakoaua i bukin te roun; e angaanga taiani kunnikai nakoia aika a maiu ni kainano

Mareko 14:7

B'a a bon aki toki ni mena i rarikimi aomata aika aki kaub'ai, ao ngkana kam kani karaoa ae raoiroi nako ia ao kam kona; ma N na aki mena i roumi n taai nako.

Ruka 3:11

E kaekaia ni kangai, “Ane iai i rouna uoua ana kabaraki, ao ke e anga teuana nakon ane akea ana kabaraki; ao ane iai kanana, ao ke e karaoa naba are e karaoia teuare uoua ana kabaraki.”

M'akuri 9:29

E aki toki n taetae ma ni kauntaeka ma I-Iutaia ake a b'aina te taetae n Erene; ao a kataia ni kani kamatea.

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?