Iakobo 2:13 - Te B'aib'ara

¹³ B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iakobo 2:13 Iomraidhean Croise

Karikani B'aai 42:21

ao a taku i bon irouia, “Eng, ngkai e a bon roko mwiin ara m'akuri are ti a tia ni karaoia nakon tarira, ti bon noora kainanona ae korakora ngke e bubuti buokana, ma ti bon aki kan ongo. Ao bon anne bukina ngkai ti a reke n te kangaanga ae korakora n te tai aei.”

2.Rongorongo 28:11

Kaokiia ami taenikai aikai nakoni mwengaia—bon ami koraki nako. Ngkana kam aki, ao e na manga katuaaingkami te UEA ni unna.

Taian Areru 18:25

Ko kakoroi bukin am Taeka nakoia akana kakaonimaki nakoim; ao nakoia akana moan te raoiroi b'a moan te raoiroi naba Ngkoe.

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 22:16

Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mataio 5:7

A a kab'aia akana nanoanga, b'a a na nanoangaaki.

Mataio 6:15

Ma ngkana kam aki kab'arai aia bure aomata ake a karaoi nako imi, ao Tamami E na aki kab'arai naba ami bure ake kam karaoi nako Ina.

Ruka 16:25

Ma e taku Aberaam, “Natiu, ko na uringnga b'a ngkoe n am tai ni maiu ao a rereke nako im baika raraoi, ma Rataro e rereke i rouna baika buakaka; ma ngkai, e a reke i rouna raun nanona ikai, ao ngkoe ko kainano ni maraki.

Ruka 6:37

“Kam na tai motiki taekaia aomata, ao ane e na aki motikaki taekami iroun te Atua; kam na aki kabuakakaia aomata, ao ane na bon aki naba kabuakakako te Atua; b'aina te kab'arabure, ao ane a na kab'araki am bure iroun te Atua.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.

Tani Motiki-taeka 5:27

Ao e b'aka Titera i aon bubuan waena ao e b'aka ni mate i waen neierei.