Iakobo 1:9 - Te B'aib'ara

⁹ Ke e kim'areirei te tari ae aki kaub'ai ngkae e karietataki;

Iakobo 1:9 Iomraidhean Croise

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Taeka n Rabakau 19:1

E raoiroi riki te maiu ni kainano ma te maiu ae e raoiroi nakon te nanobaba ae e b'anganikewe.

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Ruka 1:52

E kab'akaia akana korakora man aia kaintokanuea, ao E karietataia akana mangori;

Ruka 10:20

Ma e ngae n anne, ao kam na aki kakatonga n aei, ae a aantaeka i roumi anti; ma kam na kakatonga b'a a koreaki arami i karawa.”

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

Te Tua-Kaua 15:11

Ane a na bon iai n taai nako tabeman Iteraera aika kainano ma n tangira buokaia. Ao bon anne bukina ngkai I mwiokoingkami b'a kam na tituaraoi nakoia.

Te Tua-Kaua 15:7

I mwiin anganakimi abami n tatabemani ngkami, ao ane e na bon iai naba Iteraera ae maeka n ami kaawa ae na kainano. Ngkana iai ae riki irouia anne, ao kam na aki tauti ke n nanonrang n ami m'ane.

Te Tua-Kaua 15:9

Kam na taratara raoi b'a kam na aki kaangai i nanomi, Ae a kaan te kaitiua n ririki, ao ae e na aki okirai au m'ane. E na rangi n rawaawata ami bure ngkana kam karaoa anne, ao ngkana kam rangi n nanonrang naba n aki kan anganiia aika kainano buokaia. Bon am koraki, ao ngkana ko rawa ni buokiia, ao e aki ngkoa ao a butia naba te UEA, b'a E na baairei taekami b'a kam bure iai ke kam aki. Ao ane a na tua b'a kam bure.

I-Biribi 3:14

Ma ngaia are I kabirim'aakai nakon te tia b'a n na karekea te kaniwanga, are bon ana weewete te Atua i nanon Iesu nakon te maiu are i karawa.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.