Iakobo 1:14 - Te B'aib'ara

¹⁴ ma e kaririaki te aomata ngkana e kairaki ma n tauaki n nanona ni kaib'ab'aru.

Iakobo 1:14 Iomraidhean Croise

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

2.Tamuera 11:4

E nooria Tawita, ao e kanakoa temanna b'a e na nooria b'a antai. E oki rikaaki te tia m'akuri arei, ao e tuangnga ni kaangai, “Teuae ko karineaki, bon Nei B'atateb'a. Bon natin Eriam te aine are buun Uria are kaain Eta.” Ao e kanakoa ana rongorongo Tawita nakoina b'a e na nakon te bareti. Ao e roko neirei nakoina, ao e matu ma ngaia. Ao i mwiina, e a okira mwengana.

Iobi 31:27

I tuai naba man burebureaki ni bobaraaki ni karineia ni kaboria ma baiu n anga karineaia.

Iobi 31:9

Ngkana tao I a tia ni b'aka i roun buun te aomata ae I tabon auti ma ngaia, ke tao I a tia n torotoro ni karabaai i tinanikun ana mataroa neierei,

Taeka n Rabakau 4:23

Karaua raoi kaawakin am iango b'a bon anne boton te maiu ni koaua.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Otea 13:9

Iteraera, bon aei tokim. Kam na aki kaantaningaa buokami mairou.

Mataio 15:18

Ma te b'ai ae nako man te wii e nako man te nano, ao boni ngaia ae kam'araea te aomata.

Mataio 15:20

Baikai aika kam'araea te aomata; ma te am'arake ma baai aika aki tebokaki a bon aki kam'araea te aomata.

Mataio 4:1

E kairaki rake ngkanne Iesu iroun te Tamnei are Raoiroi nakon te rereua b'a E na kaririaki iroun te riaboro;

Mataio 5:28

Ao Ngai I taku nako imi b'a ane tarataraa te aine n iango i nanona b'a e na wene ni botaki ma ngaia, ao e a tia ni wene ni bure ma ngaia i nanona.

I-Rom 7:11

B'a te bure, ngke e reke ana tai, ao e burebureai n taekan te Tua, ao e kamateai iai.

I-Rom 7:13

E kona ngkanne te bae e raoiroi ni karekea ae N na mate iai? E bon aki. Ana m'akuri te bure aei: e karekea ae N na mate iai ni kamanenan te bae e raoiroi, b'a e aonga ni kaotaki arona b'a bon te bure ni koaua; ao tokina e a riki ni buakaka riki arona n ana taeka te Atua are n te Tua.

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Iakobo 1:13

Ngkana e kaririaki temanna, ao ke e tai kaangai, “I kaririaki mairoun te Atua.” B'a E aki konaaki te Atua ni kaririaki ni baika bubuaka, ao akea ae E kaririaki i rouna;

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.