Iakobo 1:11 - Te B'aib'ara

¹¹ B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.

Iakobo 1:11 Iomraidhean Croise

2.Tamuera 22:46

E a tia ni mauna nako korakoran nanoia ao a roko ma te ruru man aia nono nako.

Taian Areru 102:11

Ai aron te nu ae tabe ni mauna bongini maiu, Ao I rai n ai aron te uteute.

Taian Areru 102:4

I rangi ni mamara kanga ai aron te uteute ae rai; E bua te kan am'arake.

Taian Areru 103:15

Ngaira aika aomata, kanga ai aron te uteute. Ti rikirake ni maiu raoi kanga ai aron te uee:

Taian Areru 37:2

Ane a na waekoa ni mate n ai aron te uteute ke te aroka ae aki tetebokaki.

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 90:6

A rikirake ao a uee, ma ngke e a tairiki ao a rai ao a mate.

Te Minita 5:15

A roko nakon te aonnaba ni bebeekan, a na mate, ao a na bebeekan naba. Bon akea te b'ai ae a konaa ni uotia nako, ao akea naba te b'ai ae a na konaa ni kaotia i bukin aia m'akuri ni kabane.

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Itaia 28:4

E na waekoa ni mauna mimitongin Taamaria are i etan te m'arua are e maiu aona. E na kanaki nako kaanga moan uan te biiku ae e tai n tain te tai.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Mataio 13:6

ma ngke e kabo rake taai, ao a urarake; a mate i bukina ngke a aki roro nako wakaaia.

Mataio 20:12

Ao a taku, “A m'akuri uake a roko rimwi i nanon ti teuana te aoa, ao ko kabooia ni kaboraoiia ma ngaira, aika ti uota rawawatan te m'akuri i nanon te bong ae b'anin i aani korakorani kabuebuen te riringa!”

Mataio 6:30

Ma ngkana e kunnikaiaki iroun te Atua te uteute ae mena n te aba ae maiu n te bong aei ao e karenakoaki nako nanoni nnen te ai ningabong, ao tiaki kam na kakoaua b'a E na boni karekei kunnikaimi, ngkami aika karako ami onimaki?

Mareko 4:6

Ao ngke e kabo rake taai, ao e a kaurarakei aroka aikai. A mate i bukina ngke a aki nene wakaaia b'a e manii te tano.

1.I-Korinto 7:31

ao ake a tabe ma b'ain te aonnaba aei, b'a aongkoa a aki kabanebuakai aia tai iai. B'a te aonnaba aei, n arona ae ngkai, e na aki maan ao e na mauna.

1.Betero 1:4

b'a a aonga n reke b'aai aika kawakinaki i bukira, aika b'aai aika aki kona ni mka, aika aki kam'ara, aika aki kona n rai, aika kawakinaki i karawa i bukimi,

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.