Ebera 9:5 - Te B'aib'ara

⁵ Ao a mena i aon te ati ni boraraoi kerubim aika mimitong, ma baiia ni kiba aika taangaki nako n rabuna aon te ne ni kab'ara buure. Ma tiaki taiia ngkai ni kabaneaki raoi aroia ni kab'arab'araaki.

Ebera 9:5 Iomraidhean Croise

2.Uea 19:15

Ao e tataro: Te UEA ae Atuan Iteraera, e mena am kaintokanuea i aoia b'aai aika a maiu aika iai baiia ni kiba. Ko karaoa karawa ma aonnaba, ao bon ti ngkoe ae Ko tautaekani abanuean te aonnaba aei.

1.Rongorongo 28:11

Ngke e a bane a na taeka Tawita, ao e a angan Toromon taamnein te Tembora i bukin karaoan ruun te Tembora are moan te buubura, n ikotaki ma te kaman, taian ruunib'ai, ruu ake ieta ao ruu ake inano, ao ai uana naba ma te Tabo are Moan te Tabu.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Nakoaia Ibonga 16:13

E na kaaki te b'ai ni kaboiarara are e kaakabubuaki i aon te ai i matan te UEA, ao e na waerake bubuna n taona aon matan te Atiniberita b'a e aonga n aki mate.

Nakoaia Ibonga 16:2

E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki.

Warekaia Iteraera 7:89

Ao ngke e nako n rin n te Um'antabunrianna Moote ni kan maroroo ma te UEA, ao e taetae te UEA nako ina mai marenan b'aai ake iai baiia ni kiba, ake a mena i aoni matan te Atiniberita.

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

1.Tamuera 4:4

Ao a kanakoaki tautia tabeman b'a a na anaa te Atiniberita i Tiro, i bukina b'a iai Ana kaintokanuea te UEA i aon baiia baike a maiu i aon taubukin te Atiniberita. Ao ngke a roko natin Eri m'aane ake uoman ake Obeni ma Bineati,