Ebera 9:21 - Te B'aib'ara

²¹ Ao e katimtim'a naba te raraa Moote n te aro naba arei i aon te um'a ao i aoni b'aai nako ake b'ain te taromauri.

Ebera 9:21 Iomraidhean Croise

Te Otinako 24:6

E anaa m'akoron raraan te man Moote mai nanon boora ao e tatauriia iai nikiran rab'atan te baonikarea ni kabane.

Te Otinako 29:12

Kamanenai tabonibaimi ni kabiri koonan te baonikarea n tatabeua nako ao kab'aroa nikiran te raraa i aon te tano i rarikin te baonikarea.

Te Otinako 29:20

Tiringa te tiibu mm'aane ao kaaki raraana teutana i aon reben taningan Aaron are te atai, ao i aon waebuan tabon waena are te atai. Karaoa naba ae ai aron anne nako ia natina mm'aane n tatabemaniia, ao taauria nako nikiran te raraa nakon iteran te baonikarea ake aua.

Te Otinako 29:36

Kam na katoa bong n anga te kaomm'aane b'a te karea i bukin kab'araan buure n ai aron kaitiakan te baonikarea. N reitaki ma anne, ko na taauria te baonikarea ni b'aan te oriwa b'a e aonga n tabu rab'atana ni kabane.

Te Otinako 40:9

Ao imwina, katabua te Um'antabunrianna ma b'aina nako ni katimtim'a i aona te b'aa are e tabu.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Nakoaia Ibonga 8:19

Ao Moote, e tiringnga, ao e tatauriia iteran te baonikarea ake aua n raraana.

Nakoaia Ibonga 9:18

E tiringa te kaom'aane ao te tiibu te m'aane b'a te karea n raoi i bukiia aomata. Ao a uota te raraa natina m'aane nako ina, ao e tataara iai iteran te baonikarea ake aua.