Ebera 9:10 - Te B'aib'ara

¹⁰ ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.

Ebera 9:10 Iomraidhean Croise

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Te Otinako 40:12

Kanakomaia Aaron ma natina mm'aane nakon mataroan te Um'antabunrianna, ao tuangiia b'a a na tebokia.

Etekiera 4:14

Ao I taku, “Te Atua, taiaoka Ko na aki kariaia b'a N na karaoa anne! I bon tuai man kang am'arake aika N na riki iai n aki tau i matam. I tuai man kang b'aai aika a mate i bon irouia ke n tiringaki irouia maan aika a aki manana ke aika ko taku b'a a aki itiaki.”

Nakoaia Ibonga 13:58

Ngkana e a mauna naba ngkana e uatiia, e na manga uatiia riki, ao e itiaki ni kaineti ma aron te taromauri.

Nakoaia Ibonga 16:24

E na tebokia i nanon te Tabo are e tabu ao e na karina are boni kunnikaina. Ao i mwiin anne, e na otinako n anga te karea ni kabuokaki i bukin kanakoan oin ana bure ao aia bure aomata.

Nakoaia Ibonga 16:4

Ao E anga te UEA kaetieti aikai. I m'aain rinin Aaron nakon te Tabo are Moan te Tabu, e na riai moa n tebotebo ao e na karina kunnikaina n ibonga: te niiniira ao te kawaerake, te bare, ao te m'aita.

Nakoaia Ibonga 22:6

Ngkana iai te ibonga ae e kam'araa, e na kam'araa ni karokoa te tairiki, ao e aki kona ni kana te karea are e tabu, ma ti ngkana e a tia n tebotebo.

Warekaia Iteraera 6:3

ao e na aki manga nima te wain, te biia, ke ni kabongana te beneka. E na aki nima ranin te kureebe ke ni kana te kureebe, ke te kureebe ae kam'auaki

Mareko 7:4

ao a aki kana naba te am'arake teuana ae karekeaki n te m'akete ngkana a tuai ni kaitiakia moa n ai aron taekana n aia taeka n reirei aia bakatibu. Ao a bati riki tuua ake a anganaki b'a a na tauu, n aron te teboteboki m'angko ma b'aata ma boora aika karaoaki mani bititaom, ma nne ni wene.

I-Karatia 4:9

ma ngkai kam a ata te Atua, ke ngkai kam a ataaki iroun te Atua, ao kam kanga ni manga rairaki nakoni baike iai m'aakaia ake a mamara ma n akea bonganaia, ake kam kani manga moana aromi n toronaki iai?

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.

I-Ebeto 2:15

E kamaunaa te Tua are kanoana taeka i bukini baika riai ni karaoaki ao n aki karaoaki irouia aomata, b'a e aonga ni karikiia botannaomata aika uoua b'a kanga te aomata ae ti temanna ae boou n arona ni kaatiteuanaki ma Ngaia; ao n te aro aei e a reke iai te raoi.

Te Tua-Kaua 21:6

A na teboki baiia taani kairiiri man te kaawa i aon rab'atan te kao are mate

Te Tua-Kaua 23:11

ni karokoa te b'akantaai. Ao i mwiina, e a tib'a kona n tebotebo, ao e a kona n okira te maeka ngkana e a bung taai.

I-Korote 2:16

Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

Ebera 2:5

B'a te Atua E aki kaki i aani m'akaia anera taekan te aonnaba ae nangi roko, ae ti taekinna.

Ebera 6:2

ma taiani b'abetito, ma katokaani b'aai, ma manga utiia maate, ma te motikitaeka ae aki toki.

Ebera 6:5

ao a a tia naba n reke i rouia ana taeka ae raoiroi te Atua ma m'aakan te aba ae nangi roko,

Ebera 7:12

Ao ngkana e bitaki aron rinean te ibonga, ao e na bitaki naba te Tua.

Ebera 7:16

are riki n ibonga, tiaki i bukina ngke kaain te utu n ibonga ngaia, ma i bukina ngkae e aki totoki maiuna.

Ebera 9:1

Bon iai tuua n te moa ni boraraoi i bukin te taromauri, ao te tabo naba n taromauri ae b'ain aon te aba.