Ebera 8:1 - Te B'aib'ara

¹ Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

Ebera 8:1 Iomraidhean Croise

1.Rongorongo 29:11

E korakora m'aakam, ao e noraki mimitongim n taabo ni kabane i karawa ao i aonaaba,

Iobi 37:22

E nooraki te raaitiiti ae korakora i meang, ao raaititina e kamimiia aomata ni kabane ake a nooria.

Taian Areru 104:1

N na karaoiroa te UEA ni maiu, te UEA ae Atuau, ai kakannato ra Ngkoe! am B'ai te karineaki ma te mimitong; kanga ai aron ae Ko kunnikaiko iai.

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 145:12

B'a a aonga ni bane aomata n atai am m'akuri aika korakora ma ueam ae mimitong.

Taian Areru 21:5

E rangi ni karineaki te uea; Ko a tia ni buokia b'a e na kakannato taekana ma ni mimitong.

Itaia 24:14

A na takaarua aomata ake i maeao; a na neboa teuare E Karineaki ma te kukurei.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

I-Ebeto 6:20

are te tia taetae ngai i bukina ae I kabaeaki iai n te taurekereke; b'a I aonga n taekinna n aki mamaku, n te aro ae riai b'a N na taekinna iai.

I-Korote 3:1

Ma ngaia ae ngkai kam a manga uaia ni maiu ma Kristo man te mate, ao kam na ukoukori b'ain eta, ike E mena iai Kristo n tekateka i angaatain te Atua.

Ebera 1:13

Ao te anera ra ae E kangai te Atua nako ina n te tai teuana, “Ko na tekateka i angaataiu, ni karokoa I kakiia am kairiribai b'a neni katokaani waem.”

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 10:12

Ao ngke E a tia Kristo n anga te karea ae ti teuana i bukini buure, ae manena n aki toki, ao E tekateka i angaatain te Atua;

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.