Ebera 7:6 - Te B'aib'ara

⁶ E aki riki Merekitereka mairoun Rewi, ma e anaa teuana te katebwina ni m'akoro man ana b'ai nako Aberaam, ao e kakab'aia Aberaam, are teuare anganaki taian taeka n akoi.

Ebera 7:6 Iomraidhean Croise

Karikani B'aai 12:13

Ko na tuangiia b'a aongkoa m'aneu ngkoe, ao ane a na kamaiuai ma n akoai.”

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

M'akuri 3:25

Ana taeka n akoi te Atua are a taekinna burabeti bon i bukimi, ao iai tib'angami n te boraraoi are E karaoia te Atua ma ami bakatibu, n aron are E taekinna nakon Aberaam ngke E kaangai, “A na kab'aia kaain aonnaba ni kabaneia iroun am kariki.”

I-Rom 4:13

B'a e anganaki te taeka n akoi Aberaam ma ana kariki are e na riki iai b'a te tia abaaba i aonnaba, tiaki n te Tua, ma i bukini kaetan arona n reitaki ma te Atua are e reke n te onimaki.

I-Rom 9:4

ake Iteraera, ake a tabekaki iroun te Atua b'a natina, ake E kaota mimitongina nakoia, ao E karaoi taiani boraraoi ma ngaiia; E anganiia te Tua, ao e reke i rouia te aro n taromauri ni koaua, ma taeka n akoi,

I-Karatia 3:16

A atongaki taian taeka n akoi nakon Aberaam ao nakon ana kariki, ni kaotia b'a e aki nanonaki iai aomata aika bati, ma e kaangai, ao nakon am kariki, ni kaotia b'a ti temanna ae nanonaki iai, b'a Kristo.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 11:17

I bukin ana onimaki Aberaam, ao e anga Itaaka b'a te karea ngke e kataaki. Teuare a atongaki taeka n akoi nako ina, e tauraoi n anga natina ae te rikitemanna b'a te karea;

Ebera 7:1

Merekitereka arei bon uean Tarem, ao ana ibonga te Atua are Moan te Rietaata. Ngke e oki Aberaam man te buaka are e kamateia iai uea, ao e kaitibo Merekitereka ma ngaia, ao e kakab'aiaki irouni Merekitereka;

Ebera 7:7

E bane n ataaki b'a te aomata are anga te kakab'aia e kakannato riki nakon are e kakab'aiaki.