Ebera 7:5 - Te B'aib'ara

⁵ Ao ake kanoan Rewi, ake a anganaki te nakoa n ibonga, a tuangaki n te Tua b'a a na anai kaka teuana te katebwina ni m'akoro mani m'aitin aia b'ai aika kakaokoro nako tariia, ake bon ana kariki naba Aberaam.

Ebera 7:5 Iomraidhean Croise

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 46:26

Bootan raoi kanoan Iakob'a ake a m'ananga nako Aikubita bon onongaun ma onoman, ngkana a aki warekaki buuia natina mm'aane.

1.Uea 8:19

Ma bon tiaki ngkoe ae ko na karaoia. Natim te m'aane ae e na karaoa te Tembora i bukin neboau.”

Neemia 13:10

I bon kunea naba b'a a tia n okiri aia m'akuri nako n aia nnenaroka tabeman taan anene ma kanoan Rewi ake tekorakina, i bukina ngke a tuai man anganganaki tib'angaia man uaan te tai.

Te Otinako 1:5

Bootan te botannaomata aei ake a nako mairoun Iakob'a bon itingaun. E a kaman roko natina are Ioteb'a i Aikubita.

Te Otinako 28:1

Wetea tarim are Aaron ma natina mm'aane are Nataba, Abiu, Ereata, ao Itamara. Bon ngaiia aika I a tia n rineia mai buakoia Iteraera b'a a na riki b'a au ibonga.

Warekaia Iteraera 18:7

Ma bon ti ngkoe ma natim mm'aane ae kam kona ni karaoa te m'akuri n ibonga n te baonikarea i nanon te Tabo are Moan te Tabu. Bon au b'aintangira nako imi te m'akuri n ibonga. Ao ake a kataia ni karaoa te m'akuri n ibonga, a na bon tiringaki.

Te Tua-Kaua 26:12

Kam na anga teuana te katebwina ni m'akoro man uaan ami tai ni katoa ririki nakon te UEA. Ma kam na anga teuana te katebwina mani m'akoron uaan ami tai n te katenua n ririki nakoia aika kainano aika maeka n ami kaawa, n reitaki naba ma kanoan Rewi, iruwa, ataei aika akea aia karo, ao aine aika mate buuia. B'a a na reke kanaia ae tau n te aro anne.

Ebera 5:4

Ao akea temanna ae anaa te karineaki aei b'a karineana, ae te nakoa n ibonga ae kakannato, ma ti ngkana e weteaki nako iai iroun te Atua, n ai aron Aaron.

Ebera 7:10

B'a e tuai ni bungiaki Rewi ngke e kaitibo Merekitereka ma Aberaam; ma e kona naba n taekinaki ni kangai, b'a rab'atan Aberaam are ana bakatibu Rewi, ai bon rab'atan naba Rewi n te tai anne.