Ebera 7:3 - Te B'aib'ara

³ Akea taekan tamana ke tinana ke taekaia ana bakatibu; ao akea naba taekan ana bongi ni bung ke taekani matena. E riki b'a kanga ai aron Natin te Atua; e tiku b'a te ibonga n aki toki.

Ebera 7:3 Iomraidhean Croise

Te Otinako 6:18

E maiu Koata ni karokoa tebubua ao tenibwi ana ririki ni maiu; ao natina mm'aane bon Amram, Itiia, Eberon, ao Utiera.

Warekaia Iteraera 1:18

Moote ma Aaron, ao taani kairiri i aoia baronga ake tengaun ma uabaronga. Ao a warekia i nanon aia kaainga ma aia utu.

Mataio 4:3

Ao E kawaria te riaboro ao e taku nako Ina, “Ngkana Natin te Atua Ngkoe, ao Ko na tua b'a a na riki ni kariki atiibu aikai.”

Ebera 4:14

Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Ebera 7:1

Merekitereka arei bon uean Tarem, ao ana ibonga te Atua are Moan te Rietaata. Ngke e oki Aberaam man te buaka are e kamateia iai uea, ao e kaitibo Merekitereka ma ngaia, ao e kakab'aiaki irouni Merekitereka;

Ebera 7:17

B'a e kaotiotaki taekana ae kangai: “Bon te ibonga Ngkoe n aki toki n ai aroni Merekitereka.”

Ebera 7:2

ao Aberaam e anganna kaka teuana te katebwina ni m'akoro mani m'aitin ana b'ai aika kakaokoro nako ake a reke i rouna. Moan nanon te ara ae Merekitereka bon “Uean te Raoiroi”; ao i bukina ngkai uean Tarem, ao iai naba nanona ae “Uean te Raoi”.

Ebera 7:6

E aki riki Merekitereka mairoun Rewi, ma e anaa teuana te katebwina ni m'akoro man ana b'ai nako Aberaam, ao e kakab'aia Aberaam, are teuare anganaki taian taeka n akoi.