Ebera 7:21 - Te B'aib'ara

²¹ Ma Iesu E riki n ibonga n te taeka ni berita iroun Teuare kangai nako Ina, “E taetae n tuea te Uea, ao E na aki bita nanona: ‘Bon te ibonga Ngkoe n aki toki.’ ”

Ebera 7:21 Iomraidhean Croise

Taian Areru 110:4

E a tia te UEA ni kab'aka ana taeka ao E aki kona ni bitia: A kaangai ana taeka, “Ko na riki b'a te ibonga ngkoe n aki toki n ai aroni Merekitereka.”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

Ebera 5:6

Ao E a manga kangai naba n te tabo teuana: “Bon te Ibonga Ngkoe n aki toki N ai aroni Merekitereka.”

Ebera 7:17

B'a e kaotiotaki taekana ae kangai: “Bon te ibonga Ngkoe n aki toki n ai aroni Merekitereka.”

Ebera 7:20

I rarikin te kaantaninga ae raoiroi riki, ao bon iai te taeka ni berita. Akea te taeka ni berita ae karaoaki ngke a riki b'a ibonga aomata akekei.

Ebera 7:23

A m'aiti aia koraki n ibonga te koraki arei, ma a bane ni mate ao a aki kona ni wakina nako aia m'akuri.

Ebera 7:28

B'a te Tua e rineia aomata aika a aki kororaoi n aroia b'a ibonga aika kakannato; ma te taeka n akoi are karaoaki ma te taeka ni bau are roko rimwi i mwin te Tua, e rinea te Nati b'a te ibonga ae kororaoi n arona n aki toki.

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”