Ebera 5:7 - Te B'aib'ara

⁷ Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

Ebera 5:7 Iomraidhean Croise

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 69:1

Te Atua, kamaiuai! Ae N nangi b'ab'a.

Taian Areru 88:1

Te UEA ae te Atua, ae au tia kamaiu, I tang nakoim ni ngaina ao ni bong.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Mataio 27:46

Ao ngke tao te aoa tenua, ao E takarua Iesu n te b'ana ae korakora, ni kangai, “Eri, Eri, ram'a tab'aketani?” ae nanona, “Atuau, Atuau, E aera ngkai Ko kitanai?”

Mataio 27:50

Ao E a manga takarua naba Iesu n te b'ana ae korakora, ao E anga tamneina.

Mareko 15:34

Ngke e bo tenua, ao E takarua Iesu n te b'ana ae korakora, ao E kangai, “Eroi, Eroi, ram'a tab'aketani?” ae nanona, “Atuau, Atuau, e aera ngkai Ko kitanai?”

Mareko 15:37

Ao E takarua Iesu n te b'ana ae korakora, ao E mate.

Ruka 23:46

Ao E taetae ngkanne Iesu n te b'ana ae korakora, ao E kangai, “Tamau, I kaaki tamneiu i nanoni baim!” Ao ngke E tia n atonga aei, ao E mate.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 11:35

A wawa nako ranni matan Iesu.

Ioane 11:42

Ao I ataia b'a Ko ongongo irou n taai nako: ma I atonga aei i bukiia aomata aika teitei ikai, b'a a aonga ni kakoaua b'a Ngkoe ae Ko kanakomaiai.”

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 10:10

ae ngaia ae a katabuaki iai maiura nakon te Atua b'a ana b'ai, ngke E anga rab'atana Iesu Kristo n ai aron nanon te Atua b'a te karea n te tai ae ti teuana ao akea riki.

Ebera 10:5

Ma ngaia aei, ngke E nangi roko Kristo i aon te aba, ao E kangai nakon te Atua, “Ko aki tangira te karea ma te b'ai n tangira, ma Ko anganai rab'atau.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

Ebera 12:28

Ma ngaia aei, ngkae e a reke i roura te abanuea ae aki konaki ni kam'aeieiaki, ao ti riai ni kaitau ma n taromauria te Atua n te aro ae E na kukurei iai, ao ni kaota te karinerine ma te maaku;

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

1.Ioane 4:3

ao tamnei n tatabemaniia nako aika a aki kaotiia b'a a onimakina Iesu, ao tiaki mairoun te Atua. Te aeka n tamnei aei bon tamnein ana kairiribai Kristo, are kam a tia n ongo taekana b'a e nangi roko; ao bon ae i aon te aba ngkai.

2.Ioane 1:7

B'a a bati taani m'am'ana te aba ake a tia ni waki n aia m'akuri i aonnaba, ake a aki kakoaua Iesu Kristo b'a E roko n rab'ata. Te aomata ae arona aei boni ngaia te tia m'am'ana te aba ao ana kairiribai Kristo.