Ebera 4:7 - Te B'aib'ara

⁷ E kaotaki aei n aron te Atua ni bairea te bong teuana, ae aranaki b'a Te bong aei; ngke E kangai iroun Tawita, i mwin ririki aika bati, n ai aron are e a tia n taekinaki: “Ngkana kam ongo b'anaana n te bong aei, ao kam na tai kamatoatoai nanomi.”

Ebera 4:7 Iomraidhean Croise

1.Uea 6:1

A moana waakinan te Tembora ana taani m'akuri Toromon i nanon te nam'akaina are Tibi, are te kauoua n nam'akaina n te ririki. E a tia ni koro aua ana ririki ni uea Toromon i aon Iteraera, ao ai 480 te ririki i mwiin kitanan Aikubita irouia Iteraera.

Taian Areru 95:7

Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

Mataio 22:43

E taku nako ia Iesu, “Ao e aera ngkanne Tawita, ngke e atonga Teuaei iroun te Tamnei are Raoiroi b'a ana Uea? E taku Tawita,

Mareko 12:36

E kairaki nanon Tawita iroun te Tamnei are Raoiroi b'a e taetae ni kangai: ‘E taku te Uea nakon au Uea: Tekateka ikai i angaataiu Ni karokoa I kakiia am kairiribai i aani waem.’

Ruka 20:42

B'a e a boni manga kangai Tawita n te boki are Taian Areru, ‘E taku te Uea nakon au Uea, Ko na tekateka i angaataiu

M'akuri 2:29

Mm'aane, taari, e riai b'a N na taekina aron Tawita are ara bakatibu nakoimi n aki wimakiki: b'a e mate ao e taunaki, ao e mena nena n taunaki i rarikira ni karokoa te bong aei.

M'akuri 2:31

Ao Tawita e a kaman nora te baere E na karaoia te Atua, ma ngaia are e taekina manga-utin te Kristo: b'a E aki kaaki taekana i Eriti, ao E aki rotaki rab'atana n te mka.

M'akuri 28:25

E aki reke i rouia te boraoi n nano, ma ngaia are a nako i mwin ana taeka teuana B'auro are atongnga, ae kaangai, “E eti ana taeka te Tamnei are Raoiroi iroun Itaia are te burabeti nakoia ami bakatibu,

Ebera 3:15

B'a e kangai te B'aib'ara: “Ngkana kam ongo b'anaan te Atua n te bong aei, ao kam na tai kamatoatoai nanomi, n ai aroia te koraki ake a rawa ngkoa ni kani kairaki.”