Ebera 4:14 - Te B'aib'ara

¹⁴ Ma ngaia aei, ngkai iai ara ibonga ae moanibaan te kakannato, are E a tia n ri buakon taiani karawa, are Iesu are Natin te Atua, ao ti na taua are ti a tia n taekinna i bukina.

Ebera 4:14 Iomraidhean Croise

Etekiera 46:10

A na kaai n rin aia taan tautaeka n te tai naba are a rin iai ao a na otinako naba n te tai are a otinako iai.

Mataio 4:3

Ao E kawaria te riaboro ao e taku nako Ina, “Ngkana Natin te Atua Ngkoe, ao Ko na tua b'a a na riki ni kariki atiibu aikai.”

Mareko 1:1

Moan euangkerion Iesu Kristo are Natin te Atua,

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Ruka 24:51

Ngke E tabe n taetae ni kakab'aiaia, ao E raure ma ngaiia, ao E uotaki nako karawa.

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

M'akuri 3:21

E riai tikuna i karawa ni karokoa te tai are a bane iai b'aai nako ni kaokaki nakon aroia ngke a moa ni karikaki, n aron are E taekinna te Atua ni wiia burabeti ake ngkoa, ake a tia ni kabane maiuia i bukina.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

2.I-Korinto 12:2

I ata te aomata ae onimakina Kristo ae uotaki rake nakon te katenua ni karawa, tengauni ma a ririki n nako. E uotaki rake ngke tao e mena n rab'atana, I aki ataia; ke ngke tao e aki, I aki ataia naba; ma E ataia te Atua.

2.I-Korinto 9:13

I bukin te m'akuri aei, are e a kakoauaki iai aromi, ao kam na neboa te Atua i bukin tataekinan euangkerioni Kristo iroumi ma ongeabami nako ia, ao i bukin naba ami tituaraoi n aromi ni buokanib'ai ma ngaiia ao aomata nako;

I-Ebeto 4:10

Ma ngaia are, Teuare ruo boni Ngaia naba ae rierake nakon are moan te rietaata are i etani karawa, b'a E aonga n roti taabo nako.

Ebera 1:8

Ma E taekina Natina ni kangai: “Ueam, te Atua, e na teimatoa n aki totoki; ao Ko na tautaeka ma te eti i aoia am aomata.

Ebera 10:12

Ao ngke E a tia Kristo n anga te karea ae ti teuana i bukini buure, ae manena n aki toki, ao E tekateka i angaatain te Atua;

Ebera 10:23

Ao ti na taua ni kamatoa te kaantaninga are ti kaotiotia ma te aki nanokokoraki; b'a E kakaonimaki Teuare atonga te taeka n akoi.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 2:1

Ma ngaia ae e riai b'a ti na tau ni kamatoai baika ti a tia n ongo, b'a ti kawa ni beibeti nako.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

Ebera 6:6

ngkana a kitana te onimaki, ao a bon aki konaki ni kaokaki nakon rairan te nano i bukina ngkai a manga taura Natin te Atua n te kaibangaki i bon i bukiia, ao a karaoa ae E na kamaamaaeaki iai irouia aomata.

Ebera 7:3

Akea taekan tamana ke tinana ke taekaia ana bakatibu; ao akea naba taekan ana bongi ni bung ke taekani matena. E riki b'a kanga ai aron Natin te Atua; e tiku b'a te ibonga n aki toki.

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

Ebera 9:12

ao E rin n te tabo are moanibaan te tabu ti teuana te tai ao akea riki, ao E aki uoti raraaia kooti ma buniia kaao, ma E uota oin raraana ao E karekea kamaiuara ae aki totoki.

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.