Ebera 4:1 - Te B'aib'ara

¹ Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Ebera 4:1 Iomraidhean Croise

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 28:14

E kakab'aiaia aomata nako te UEA akana a maaku ni karaoa ae e buakaka, ma tokim te reke n te kabuanib'ai ngkana ko iowawa.

Ieremia 32:40

N na karaoa te boraraoi ma ngaiia ae akea tokina, N na aki manga kerikaaki man karaoan ae e raoiroi nako ia; ao N na karina maakaku inanoia, b'a aonga n aki rairaki nako mairou.

Warekaia Iteraera 14:34

N na boni karawawata tuaami ni katoabong i nanon abwi te ririki. Teuana te ririki i bukin teuana bongin tuoan ngkoa te aba arei.

Mataio 24:48

Ma ngkana te toro ae buakaka ngaia, ao ane na kangai i nanona, E waeremwe n roko au toka;

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

I-Rom 11:20

E koaua ane ko taku; a oteaki i bukin aia aki-onimaki, ma ngkoe, ko mena ni nem ane ko mena iai i bukin am onimaki. Ma ngaia ae tai b'aina te kainikatonga, ma ko na b'aina te mamaku.

I-Rom 3:23

B'a akea te kakaokoro; b'a a bane ni bure aomata nako, ao e aki reke i rouia te neboaki are a na anganaki iroun te Atua.

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Karatia 5:4

Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

2.Timoteo 2:13

ngkana ti aki kakaonimaki, ao Ngaia E boni kakaonimaki, b'a E aki kona n eekaanako oin arona.”

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Ebera 13:7

Kam na ururingiia ami taani kairiri ngkoa, ake a tataekina ana taeka te Atua nako imi; kam na taratarai aroia ni maiuia ma mateia, ao kam na kakairi n aia onimaki.

Ebera 3:11

Ma ngaia are I taetae n tuea iai ngke I un: ‘B'a a na aki rin i nanon au motirawa!’ ”

Ebera 4:11

Ma ngaia ae ti na kakorakoraira ni kan rin i nanon te motirawa arei, b'a e kawa temanna ni b'aka, ni katotongiia te koraki arei i bukin aia aki ongeaba.

Ebera 4:9

Ma ngaia ae bon iai te motirawa n Taabati nakoia ana aomata te Atua.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.