Ebera 3:9 - Te B'aib'ara

⁹ Ike a kariria iai te Atua ami bakatibu ni kataia, ao a nori naba ana m'akuri angaun te ririki.

Ebera 3:9 Iomraidhean Croise

Taian Areru 95:9

Ike a kataai iai ao a kekera nako arou, e boni ngae ngke a tia n noori baike I karaoi i bukiia.

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Te Otinako 20:22

Ao e mwiokoaki Moote iroun te Atua b'a e na kaangai nakoia Iteraera: “Kam a tia n noora arou Ngai ae te UEA n taetae nako imi mai karawa.

Amota 2:10

I kaotinakoingkami mai Aikubita, ao I kairingkami i nanon te rereua i nanon abwi te ririki, ao I anganingkami abaia I-Amoraite b'a abami.

Warekaia Iteraera 14:33

A na tiotio nako natimi i nanon te rereua aei i nanon abwi te ririki, n rawawata i bukin ami bure n karokoa te tai are kam bane ni mate iai ngkami aikai.

Ruka 7:22

Ao E taku Iesu nako ia, “Naako tuanga Ioane baika kam a tia n nori ao n ongo: a noraaba mataki, a nakonako m'auku, a kamaiuaki reebera, a uki taningaia taningabono, a manga uti maate, ao a ongo taekan te euangkerio aomata ake aki kaub'ai.

M'akuri 13:8

Ma e tukiia Eruma are te tia tabunea (b'a aei arana n te taetae n Erene), ao e kataia n tuka Terekio b'a e na aki onimakina Iesu.

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

Te Tua-Kaua 11:7

Kam bon noori ni matami korakoran m'aakan te UEA ni karaoi baikai ni kabane.

Te Tua-Kaua 29:2

Ao e wetea te botannaomata are Iteraera Moote ao e taetae nakoia ni kaangai: Ngke kam mena ngkoa i Aikubita, ao kam noora te UEA ni karaoi taiani kakai are a karika te kangaanga nakon te uea ma ana aobitia, ao kaain abana ni kabane.

Te Tua-Kaua 4:3

Kam bon noora aron tiringaia ni kabane ake a taromauria Baara Beora.

Te Tua-Kaua 4:9

Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Te Tua-Kaua 8:2

Kam na aki m'aninga aron te UEA ngke E kairingkami i nanon te rereua i nanon 40 te ririki aika a tia n nako. E tangiria ni kakoauaa b'a kam bon tangiria n ongotaeka nakoina ma ni mwiokoia,

Te Tua-Kaua 8:4

A aki roko n te mangaingai kunnikaimi, ao a aki roko n te konaaki waemi i nanon 40 te ririki aika nako.

Iotua 23:3

Kam a tia n noori b'aai ni kabane aika E karaoi te UEA nakoia botannaomata aika kam rin i buakoia. E a tia ni buaka te UEA ae Atuami i bukimi.

Iotua 24:7

ao a tang nako iu ao I kab'aroa taari i aoia ana taanga ni buaka Aikubita ao a bane ni b'ab'a ni mate. Ao kam bane n noori baike I karaoi nakoia taanga ni buaka mai Aikubita. Kam maeka n te rereua n te tai ae e maan,

Iotua 5:6

Bukin naba mateia b'a aki ongotaeka nakon te UEA. E baireia te UEA b'a bon akea temanna mai rouia m'aanen te roro arei ae e na noora te aba ae maiu reirei are kanoan ana berita nakoia aia bakatibu. Ao e bon koro bukin anne nako ia.