Ebera 3:7 - Te B'aib'ara

⁷ Ma ngaia aei, n ai aron ana taeka te Tamnei are Raoiroi, ae kangai: “Ngkana kam ongo b'anaan te Atua n te bong aei,

Ebera 3:7 Iomraidhean Croise

2.Tamuera 23:2

E a tia Tamnein te UEA n tuangai te b'ai ae N na taekinna.

Taian Areru 81:11

“Ma e aki kan ongo irou au botannaomata; Iteraera e aki kan ongeaba naba.

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 22:43

E taku nako ia Iesu, “Ao e aera ngkanne Tawita, ngke e atonga Teuaei iroun te Tamnei are Raoiroi b'a ana Uea? E taku Tawita,

Mareko 12:36

E kairaki nanon Tawita iroun te Tamnei are Raoiroi b'a e taetae ni kangai: ‘E taku te Uea nakon au Uea: Tekateka ikai i angaataiu Ni karokoa I kakiia am kairiribai i aani waem.’

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

Ioane 10:27

A ongo b'anaau au tiibu, ao I kinaia, ao a irirai.

Ioane 10:3

E kaukaki te mataroa nakoina iroun te tia tantani n te mataroa; a ongo b'anaana tiibu, ao e weteia ana tiibu n araia nako, ao e kairiia ni kaotinakoia.

Ioane 5:25

Bon te koaua ni koaua ae I a tuangngkami b'a e a roko te tai, ma e a boni kaman roko, ae a na ongo iai b'anaan Natin te Atua maate; ao a na maiu akana ongo.

M'akuri 1:16

“Mm'aane, taari, e riai kakoroan nanon te taeka are n te B'aib'ara are E atongnga ngkoa te Tamnei are Raoiroi ni wiin Tawita, are taekan Iuta, are kairiia ake a taua Iesu.

M'akuri 28:25

E aki reke i rouia te boraoi n nano, ma ngaia are a nako i mwin ana taeka teuana B'auro are atongnga, ae kaangai, “E eti ana taeka te Tamnei are Raoiroi iroun Itaia are te burabeti nakoia ami bakatibu,

M'akuri 8:29

Ao E taku te Tamnei are Raoiroi nakoni Biribo, “Ko na nako n airi ma te ka arei.”

Ebera 10:15

Ao E kaotioti naba te Tamnei are Raoiroi n aei nako ira; b'a ngke E a tia ni kangai,

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.

Ebera 3:15

B'a e kangai te B'aib'ara: “Ngkana kam ongo b'anaan te Atua n te bong aei, ao kam na tai kamatoatoai nanomi, n ai aroia te koraki ake a rawa ngkoa ni kani kairaki.”

Ebera 4:7

E kaotaki aei n aron te Atua ni bairea te bong teuana, ae aranaki b'a Te bong aei; ngke E kangai iroun Tawita, i mwin ririki aika bati, n ai aron are e a tia n taekinaki: “Ngkana kam ongo b'anaana n te bong aei, ao kam na tai kamatoatoai nanomi.”

Ebera 9:8

Ao te Tamnei are Raoiroi E kaotia man aroni baikai ni baireaki b'a e tuai n uki te kawai nako nanon te tabo are moanibaan te tabu, ngkae e bon teimatoa n tei te ruu are te moa n ruu.

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.