Ebera 3:5 - Te B'aib'ara

⁵ E kakaonimaki Moote n ana m'akuri i bukiia ana aomata te Atua ngkai te toro ngaia, ao n arona aei e a kaoti iai baika a na atongaki rimwi iroun te Atua.

Ebera 3:5 Iomraidhean Croise

Neemia 9:14

Ko mwiokoia b'a a na karinea te Taabati ae e tabu, Ko reireina am toro are Moote b'a e na reireiniia am tua.

Taian Areru 105:26

E kanakoa ana tabonibai are Moote, ma Aaron are E a tia n rineia.

Te Otinako 14:31

Ao ngke a noora te m'aaka ae korakora Iteraera are E a tia te UEA ni kataenikaiia iai kaain Aikubita, ao a maaka te UEA, ao a onimakina te UEA, ao a kakoaua ana toro are Moote.

Te Otinako 40:16

Ao e karaoi b'aai ni kabane Moote n aron are E baaireia te UEA.

Warekaia Iteraera 12:7

Ma Moote bon Au tia m'akuri ae te tia kairiia Au aomata.

Mataio 24:45

Antai ngkanne te toro ae kakaonimaki ae wanawana, ae kateaki iroun ana toka b'a e na teiakiniia kaain ana auti te toka anne n anganganiia kanaia n aia tai?

Mataio 25:21

E taku ana toka nako ina, “Ko a tia ni m'akuri raoi, te toro ngkoe ae ko raoiroi ae ko kakaonimaki. Ko a tia ni kakaonimaki nakon te b'ai ae uarereke, N na karaoiko b'a ko na mataniwi i aoni baika bati; ko na rin i nanoni kim'areirein am toka!”

Ruka 12:42

Ao E taku te Uea, Antai te touati ae kakaonimaki ae wanawana, are e na mwiokoaki iroun ana mataniwi b'a e na tararuaia ana toro, n angania kanaia ake a tia ni baireaki n taiia?

Ruka 24:27

Ao E kaotai nako ia nanon taeka ake a koreaki ni m'akoroni booki n te B'aib'ara, ake a kaeti nako Ina b'a taekana, ao E moanna man ana boki Moote ma aia boki burabeti.

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

M'akuri 7:37

Boni Mote aei, are kaangai nakoia tibun Iteraera, “Ane E na kateirakea temanna te Atua mai buakoia tarimi b'a te burabeti nakoimi, n ai aron are E karaoia nako iu.”

I-Rom 3:21

Ma e a tia ni kaotaki ana kawai te Atua ni kaeti aroia aomata n reitaki ma Ngaia, ae akea rekerekena ma te tua. E boni ngae n anne ma bon iai taekana n te Tua ao irouia burabeti.

1.I-Korinto 4:2

Ao te bae e tangiraki mairouia touati bon aroia ni kakaonimaki.

Te Tua-Kaua 3:24

Ara UEA, e tara n ae Ko a tib'a tabe ni kaota m'aakam ae korakora nako iu. Bon akea atuan karawa ke te aonnaba ae kona ni karaoi b'aai aika ab'ab'aki aika ko karaoi.

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.

1.Timoteo 1:12

I katituaraoa Teuare kakorakoraai, are Kristo Iesu are ara Uea, b'a E atongai b'a I kakaonimaki, ngkae E rineai b'a te tia m'akuri i bukina.

Ebera 1:1

N taai ake ngkoangkoa ao te Atua E taetae nakoia ara bakatibu irouia burabeti n te tai teuana ma teuana, ao n aaro aika bati;

Ebera 3:2

E kakaonimaki nakon Teuare rineaki i Rouna b'a E na karaoa ana m'akuri, n ai aroni Moote ngke e kakaonimaki nakon ana m'akuri i bukiia ana aomata te Atua.

Ebera 3:4

B'a auti n tatabeua nako a kateaki iroun temanna ma temanna; ma ane E karaoi kateitei ni kabane bon te Atua.

Ebera 8:5

Te m'akuri n ibonga are a karaoia bon ti katotongan ao nun are i karawa. Bon ti te bo ma are riki nakoni Moote. Ngke e nang katea te Um'antabunrianna, ao E kangai te Atua, “Ko na taraia b'a ko na karaoi b'aai ni kabane n ai aron te b'ai ni kakairi are kaotaki nako im i aon te maunga.”

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.

Iotua 1:15

ni karokoa reken raoi aaba ake i maeaon te Ioretan irouia ake E a tia ni motiki bukiia te UEA ae Atuami b'a abaia. Ngkana E a tia te Atua ni karekei nneia ni maeka barongan Iteraera ake a na maeka i maeaon te Ioretan, ao kam a tib'a kona n okiri abami ngkami barongan Iteraera ake kam maeka i mainikun te Ioretan n aron are e a tia n tuangngkami ngkoa Moote are ana toro te UEA.”

Iotua 1:2

E taku, “E a mate au toro are Moote. Katauraoiko ngkai, ngkoe ma aomatan Iteraera ni kabane, ao ri nanon te karaanga are te Ioretan nakon te aba ae N nang angania b'a abaia.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

Iotua 8:31

E karaoa aei ni kaineti ma ana taeka Moote are ana toro te UEA are e a tia n anganiia Iteraera, are e kaangai n te boki are Ana tua Moote: “Karaoa baonikareau n atiibu aika aki koreaki ni b'ainim'akuri aika biiti.”

Iotua 8:33

A tei aomatan Iteraera ma aia mataniwi ma aia b'akuaku, ao aia taani moti, n reitaki naba ma iruwa ake i buakoia. A tei aomatan Iteraera ni iteran te Atiniberita ake uoua ni kaaitaraia ibonga ake kanoan Rewi ake a uouota te Atiniberita. A tei aomata ake n te iterana ni bukin atuua te maunga are Keritim, ao ake tekorakina a bukin atuua te maunga are Eeb'ara. Bon aio ana taeka Moote ngkoa nakoia b'a a na karaoa te aro aei ngkana e a roko aia tai ni kakab'aiaki.

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!